JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

La selu koima, sidadaun na’in tolu sei hatán iha MP

La selu koima, sidadaun na’in tolu sei hatán iha MP

Vise Ministru Interior (MI), António Armindo, informa, Governu husu ba komandu PNTL munisípiu Bobonaro atu submete sidadaun na’in tolu (3) ba Ministériu Públiku (MP) ho razaun lakohi selu koima, tanba durante Estadu Emerjénsia (EE) sira tama-sai ilegál liu husi liña fronteira terestre.

Entantu koima ne’ebé Governu aplika tuir dekretu lei númeru 13/2020, loron 13, fulan Outubru ne’ebé prevé, bainhira sidadaun ruma tama-sai ilegál iha fronteira terestre durante implementasaun Estadu Emerjénsia (EE) sei fó sansaun ka aplika koima hahú husi USD 30 to’o USD 250.

“Iha fulan Outubru ita iha entrada ilegál hamutuk 44, na’in haat (4) husi Grupu Arte Marsiál (GAM), na’in rua (2) seluk sidadaun Indonézia ne’ebé mak ita deporta fila ona, sidadaun Timor-Oan sira sei kumpre kuarentena no na’in sia (9) sai ona, ne’ebé imigrasaun sei halo investigasaun, ita aplika koima tuir lei imigrasaun artigu 151. Dadus ema tama-sai ilegál iha fulan Outubru na’in nen (6) mak selu koima, maibé na’in tolu (3) rejeita lakohi selu, ne’ebé ita fó hanoin ba komandu PNTL munisípiu Bobonaro para aprezenta na’in tolu (3) ne’e ba iha Ministériu Públiku (MP)”, Vise MI ne’e iha Parlamentu Nasionál (PN), Tersa (27-10-2020).

Vise MI hato’o deklarasaun ne’e relasiona ho ezijénsia husi deputadu sira iha PN ne’ebé husu ba Governu atu kontrola ho rigorozu no aplika koima ba sidadaun ne’ebé tama sai ilegál, tanba sidadaun sira ne’ebé tama-sai ilegál iha fronteira terestre iha munisípiu Bobonaro, Covalima no Oe-Cusse, maske kumpre ona kuarentena, maibé Governu tenke foti medida ruma kona-bá ilegalidade ne’ebé sira viola.

“Ami hakarak kestiona ema sira ne’ebé tama ilegalmente iha fronteira sira ba kuarentena, maibé ita seidauk foti medida ruma kona-bá ilegalidade ne’ebé sira viola lei ne’ebé ita iha, ha’u hanoin Governu tenke aplika koima ba sira”, dehan deputada bankada FRETILIN, Josefa Álvares.

“Atu fó hanoin katak EE ba dahitu ne’e tuir ami-nia haree munisípiu tolu maka hetan afeta maka’as liu, tanba EE aplika barak liu ba munisípiu tolu hanesan Covalima, Bobonaro no Oe-Cusse, ha’u fó hanoin Governu tau atensaun espesiál, maske munisípiu seluk mós merese, nune’e populasaun bele hakmatek kolabora ho forsa ita bele susesu iha fronteira“, Xefe bankada CNRT, Duarte Nunes.

Entretantu tuir dadus husi Ministériu Interiór sita katak, sidadaun sira ne’ebé tama-sai iha fronteira terestre dezde inísiu implementa EE to’o ohin loron hamutuk ema nain 47,257, kompostu sidadaun estranjeiru no Timor-Oan.

Implementasaun EE ba dahuluk sidadaun tama-sai ilegál hamutuk 913, husi númeru ne’e 313 membru Grupu Arte Marsiál (GAM) ne’ebé sei halo prosesu investigasaun hamutuk 200 resin aplika hotu  Termu Identidade Rezidénsia (TIR), restu sei kumpre hela kuarentena. ety

 

Lee hotu :   Kazu Bebonuk iha prosesu investigasaun

Add to Comments Here!!!!

error: Content is protected.
Secured By miniOrange
You might also like:
PR Lú Olo dekreta tan EE ba dahitu

Prezidente Repúblika (PR), Francisco Guterres “Lú...

IPTL ezije ba PN-MJ altera lei kódigu sivíl

Igreja Protestante iha Timor-Leste (IPTL) ezije...

PR husu IPTL hametin paz no solidariedade iha Timor-Leste

Prezidente Repúblika (PR), Francisco Guterres "Lú...

Close