Obriga tula ema nia oan feto iha kareta, vítima keixa ba PNTL

Vítima minoridade ida ho inisial NGBS hato’o keixa ba iha Polísia Nasionál Timor-Leste (PNTL), Eskuadra  Dom Aleixo, tanba kondutór Taxi ida obriga atu tula hela nia ba Eskola.

Tuir vítima  NGBS  haktuir, kazu  ne’e akontese Kinta (08/10/20), mais ou menus tuku 10 dadersan oras Timor-Leste, wainhira  vítima  atu ba eskola iha Bebonuk, maibé wainhira vítima la’o ain to’o iha área Fomento, kondutór Taxi ida ho inisiál ET hetan vítima  obrigada NGBS atu tula iha kareta ba eskola  maibé labarik ne’e lakohi.

Maske nune’e suspeitu tuir nafatin vítima  kontinua obriga vítima hodi sa’e nia kareta.

Ho aktu  suspeitu ET ne’e, halo vítima senti lamenta hodi  husu ajuda ba sidadaun ida iha área refere,  hodi informa ba iha Polísia Eskuadra  Dom Aleixo hodi foti suspeitu iha Fomentu transporta mai iha Eskudara Polísia  hodi halo identifikasaun.

 “Nia bolu  fali ha’u alin mai ha’u tula o ba eskola, ne’ebé  nia duni tuir ha’u to’o  Fomento, depois  ha’u hetan prima ida ha’u husu ajuda, taxi ne’ebá ne’e tuir hela de’it ha’u ne’e. Nia obriga-obriga ha’u sae nia taxi, ha’u dehan ha’u lakohi ida”,esplika vítima NGBS, ba GMN, Kinta (08/10/20), iha Eskuadra Dom Aleixo. Vítima ho idade 12, nia rezidénsia iha Kampung-Baru, Comoro. Avi