PCIC identifika autór ne’ebé deskonfia publika dokumentu segredu TR

Polísia Sientífika Investigasaun Kriminál (PCIC-Sigla Portugés) iha Domingu (11/10) ne’e identifika ona autór ne’ebé deskonfia publika dokumentu ne’ebé konsidera segredu justisa nian, iha Média sosiál (MédSos) Facebook.

Tuir informasaun ne’ebé GMN asesu haktuir, suspeitu ne’ebé PCIC identifika utiliza fontes aberta liu husi sosiál engineering, hodi identifika no ikus mai lokaliza nia paradeiru iha Aileu no submete kedas ba prosesu investigasaun.

Suspeitu ho naran inisiál JL, PCIC halo identifikasaun durante oras 12.

Antes ne’e, Prezidente Tribunál Rekursu (TR), Deolindo dos Santos mós deklara, delega kompeténsia ba Ministériu Públiku (MP), hodi halo investigasaun ba autór ne’ebé publika dokumentu ne’e iha MédSos. san