JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PNTL detein suspeitu ne’ebé oho Domingas Soares iha Terra Santa

PNTL detein suspeitu ne’ebé oho Domingas Soares iha Terra Santa

Polísia Nasionál Timor-Leste (PNTL), liu husi Komandu munisípiu Díli detein ona suspeitu ho inisiál LH, ne’ebé deskonfia uza tudik sona mate Domingas Soares (inan) no hakanek LimDi Moy (oan).

Kazu omisídiu ne’e akontese, iha aldeia Terra Santa, suku Madohi, postu administrativu Dom Aleixo, iha Sesta madrugada, loron 30, fulan Outubru ne’e, mais ou menus tuku 01:15.

Matebian Domingas Soares hetan sona husi parte hirus matan no nia oan feto LimDi Moy ho tinan 18, hetan sona iha liman parte karuk.

Relasiona ho insidente ne’e, liu husi konferénsia imprensa Sesta semana ne’e, Komandante PNTL munisípiu Díli, Superintendente Xefe Henrique da Costa, hateten, forsa seguransa detein ona suspeitu, maibé seidauk bele esplika kona-bá motivu husi kazu ne’e, tanba sei iha prosesu investigasaun.

“Ohin dadersan iha insidente ne’ebé mak suspeitu ida ho inisiál LH, idade 38, tama ba iha vítima nia uma hodi sona vítima rua inan ho oan no rezulta inan mate kedas iha fatin no vítima segundu ka oan feto kanek todan no lori kedas ba iha ospitál. Depois de polísia hetan informasaun husi ema ne’ebé mak hela besik iha ne’ebá ita-nia patrullu husi Dom Aleixo atua kedas hamutuk ho forsa rezerva ba kedas iha fatin akontesimentu i buka tuir hetan suspeitu no polísia kaptura kedas no agora dau-daun iha sela polísia, hodi kontinua ba prosesu”, Komandante PNTL munisípiu Díli, Superintendente Xefe Henrique da Costa, iha Komandu munisípiu Díli, Sesta (30/10/2020).

Komandante ne’e rejeita mós informasaun ne’ebé lansa iha rede sosiál katak, suspeitu ne’e nu’udár elementu PNTL.

“Hakarak atu klarifika mós katak, iha média sosiál barak mak ko’alia suspeitu ne’e oknum PNTL ne’e laloos, maibé suspeitu ne’e ema sivíl, nia kaben mak PNTL”, termina Henrique.

Dau-daun ne’e suspeitu kumpre hela oras 72 iha sela detensaun polísia munisípiu Díli, molok submete ba prosesu Primeiru Interogatóriu (PI) iha TDD.

Entretantu, matebian Domingas Soares submete ona prosesu autópsia iha Hospital Nacional Guido Valadares (HNGV), enkuantu vítima LimDi Moy hala’o hela tratamentu iha Sentru Saúde Comoro. San

Lee hotu :   TDD kontinua hamosu sasin ba kazu kontentór rua lakon

Add to Comments Here!!!!

error: Content is protected.
Secured By miniOrange
You might also like:
Padre Maubere: Matebian presiza orasaun, la’ós ai-han

Pároku Sagrado Coração de Jesus Becora,...

Xanana sai sasin ba kazu publikasaun relatóriu KJP

Líder Nasionál Kay Rala Xanana Gusmão,...

Implementa zero plástiku, SEA monitoriza loja iha Díli

Sekretaria Estadu Ambiente (SEA) halo monitórizasaun...

Close