JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PNTL sei pasa revista movimentasaun sidadaun iha loron finadu

PNTL sei pasa revista movimentasaun sidadaun iha loron finadu

Vise Ministru Interior (MI), António Armindo, hateten, Governu orienta ona Komandu Polísia Nasionál Timor-Leste (PNTL) atu hala’o seguransa iha fatin ne’ebé destakadu no atu halo pasa revista ba sidadaun hotu-hotu ne’ebé halo movimentasaun ho transporte públiku, kareta privadu no selu-seluk tan durante selebrasaun loron finadu, hodi kumpre regra Estadu Emerjénsia (EE) no mós regra tránzitu.

“Medida saída mak Governu halo atu prevene movimentu ema ne’ebé barak no transporte husi Díli ba munisípiu, ema barak seidauk, husi parte MI no parte PNTL ko’alia tiha ona ho Komisáriu PNTL atu fó orientasaun ba ita-nia PNTL sira ne’ebé sei halo pasa revista durante finadu“, Governante ne’e iha Parlamentu Nasionál (PN), Tersa (27-10-2020).

António subliña mós katak, alende halo pasa revista, sei limita mós sidadaun sira ne’ebé tama mai iha fronteira terestre, atu selebra loron finadu iha Timor-Leste.

Vise MI hato’o deklarasaun ne’e relasiona ho ezijénsia Xefe bankada Frente Mudansa (FM), Isabel Ximenes, ne’ebé husu atu esplika mekanizmu saída mak Governu sei uza hodi kontrola movimentasaun sidadaun sira durante loron finadu ho transporte públiku, kareta privadu no selu-seluk tan.

“Ábitu ne’ebé ita halo kada tinan hodi ba vizita ita-nia matebian, ita-nia avó sira, hodi vizita família, hodi fó omenajen ba ita-nia matebian, nune’e Governu nia medida atu haree ba kestaun ida ne’e, tanba ita haree situasaun ne’e sei hamosu movimentasaun transporte maka’as, ita hakarak halo medida distánsia sosiál no halo restrisaun ema bele uza máskara, medida saída mak Governu prepara hodi enfrenta situasaun ne’e. Tanba movimentu sidadaun sira ba munisípiu ne’e aas teb-tebes, iha situasaun pandémia COVID-19, maibé Governu presiza kontrola movimentu sidadaun sira ba munisípiu atu selebra loron finandu, nune’e bele evita transmisaun Covid-19“, Xefe bankada FM ne’e. ety

Lee hotu :   Setor justisa lakon juiz antigu ida

Add to Comments Here!!!!

error: Content is protected.
Secured By miniOrange
You might also like:
Pagamentu ba profesór kontratadu iha ona prosesu

Relasiona ho problema saláriu profesór kontratadu...

MS apela ba sidadaun sira kumpre nafatin medida preventiva COVID-19

Ministeriu Saúde (MS) liu husi Komisaun...

PN aprova rezolusaun ba bebé infantisídiu ho unanimidade

Parlamentu Nasionál (PN) kinta lejislatura aprova...

Close