JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR husu IPTL hametin paz no solidariedade iha Timor-Leste

PR husu IPTL hametin paz no solidariedade iha Timor-Leste

Prezidente Repúblika (PR), Francisco Guterres “Lú Olo, husu ba Igreja Protestante iha Timor-Leste (IPTL) ajuda kuda no hametin valór no prinsípiu ne’ebé kontribui atu hametin domin, solidariedade, paz iha sosiédade.

Reprezentante PR, Chefe Casa Civil, Francisco de Vasconselhos, hatete, iha Timor-Leste (TL) iha grupu étniku kulturál oi-oin ho relijiaun oi-oin no lian oi-oin ho diversidade kultura husi kedas tempu bei-ala sira, tanba ne’e presiza hatene respeita valor, ábitu no atitude oin-oin husi grupu oin-oin.

“IPTL ohin loron ho fiar-nain 1012 iha Timor-Leste, halibur ohin, ha’u fiar katak iha Asembleia Jerál ba daualu ne’e iha Aileu, IPTL sei sai forte liu tán, nu’udár instituisaun espirituál ida iha Timor-Leste ne’ebé hametin ho ninia hakarak rasik, maibé kontribui mós ba dezenvolvimentu Timor-Leste”, Reprezentante PR ne’e iha munisípiu Aileu, Tersa (27/10/2020).

Reprezentante Xefe Estadu ne’e haktuir, konstituisaun RDTL artigu 45 garante liberdade atu hanorin no prátika konfisaun relijioza saída de’it, kontituisaun la fó dalan atu halo perseguisaun ka hasees ema ida, tanba relijaun.

“PR konta nafatin ho apoiu husi IPTL, nu’udár instituisaun ida ne’ebé sei kontribui nafatin ba área edukasaun, saúde no agrikultura atu ajuda hasa’e ita-nia kapasidade iha rekursu umanu no hasa’e ita nia kbi’it atu halakon ki’ak iha Timor-Leste”, tenik Chefe Casa Civil ne’e.

Reprezentante Xefe Estadu ne’e hatutan, liu husi ezemplu rasik líder no maluk protestante sira sai mós profesór ba aspetu importante ba sosiedade hanesan  toleránsia, respeitu ba direitu umanu no hanorin kona-bá sidadania, rekoñese no valoriza diversidade kulturál, atu Timor-oan labele halo diskriminasaun ba malu.

“Timor-Leste sei hariku-an ba bei-beik ho fiar oi-oin, ábitu no kostume oi-oin, biar ho diferensa, ita hotu sei kontinua nafatin fó liman ba malu atu hametin liu tán polítika inkluzaun sosiál, katak ema ida-idak iha ninia valór rasik no ema hotu importante ba Timor-Leste”, informa Francisco de Vasconselhos.

Xefe Estadu mós rekoñese, liu husi Fundasaun Sosiál Naroman, IPTL ohin loron sai parseiru dezenvolvimentu ida mós ba Governu Timor-Leste, tanba kontribui ho klínika saúde iha Lautém no Manufahi, inklui fó mós formasaun ba área ortikultura no área seluk iha Liquiçá no Hera. Cin

Lee hotu :   Rekrutamentu militar obrigatóriu implika ba orsamentu Estadu

Add to Comments Here!!!!

error: Content is protected.
Secured By miniOrange
You might also like:
PD: Governu tenke buka solusaun ba Timor-Oan servisu iha rai-liur

Reprezentante povu iha uma fukun Parlamentu...

Ramos Horta: Maun Bo’ot Xanana mak halo negosiasaun ho ONU ba referendu 1999

Diplomata senior Timor-Leste, José Ramos Horta,...

Governu la autoriza kompañia aéreo tula pasajeiru husi Díli ba rai-liur

Governu liu husi Ministru Transporte no...

Close