JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lú Olo: MP tenke kontribui harii dame iha sosiedade

PR Lú Olo: MP tenke kontribui harii dame iha sosiedade

Prezidente Repúblika (PR), Francisco Guterres Lú Olo, haeten, atu dezenvolve Ministériu Públiku (MP) diak liu tan ba oin, ofisiál justisa MP tenke dedika-an tomak hodi kontribui harii sosiedade iha dame no moris diak.   

“Ho ksolok boot tebes, mak ha’u simu konvite husi Prokuradór Jeral Repúblika (PJR) atu koalia iha serímonia Ministériu Públiku nian ba dala 20, abertura anu judisial, no lansamentu livru ida husi PJR ho titulu “Ministériu Públiku no Protesaun ba Família menor sira, iha kontestu Timorense harii modelu integradu ida ba intervensaun, ita hotu hatene Ministériu Públiku halo ona buat barak hodi kumpre ninia obrigasaun sira, ita hatene mos saida mak Ministériu Públiku halo ona kona-ba kapasitasaun ba rekursus humanus, ho kolaborasaun husi sentru ba formasaun júridika no judisiária hodi forma majistradu no ofisial sira ba Ministériu Públiku nian, atu hetan ekipamentu no meius patrimoniais no téknikus, no harii sistema jestaun no infromasaun rasik”, dehan PR Lú Olo, Sesta (09/10/2020), iha Ministériu Finansas, Aitarak laran, Díli.

Xefe Estadu ne’e hatutan, instituisaun ne’e hala’o ona kna’ar durante tinan 20, no sei hasoru nafatin dezafiu no ba oin sei difísil liu tán, enkuantu ba oin importante haforsa espesializasaun no hatutan nafatin funsaun no servisu judisiáriu espesializadu atu bele enfrenta dezafiu sira ne’ebé relasiona ho korupsaun no krime legál no institusionál ba área sira ne’e atu halo prevensaun no kombate permanente no efetivu hasoru tipu krime ida ne’e.

“Importante tebes hasa’e no hakle’an kapasidade atu halo investigasaun kriminál espesializada no mos haforsa ligasaun no orientasaun husi Prokurador Jeral Repúblika, tuir mandatu konstitusional Ministériu Públiku nian, atu ita-nia sosiedade nakfilak duni,   Ministériu Públiku tenke hala’o no haforsa nafatin ninia kna’ar importante proteje menor no família sira, tuir artigu 12 númeru ida konstituisaun repúblika haruka liu husi kapasitasaun bebeik no haforsa rede instituisaun sira nian ne’ebé apoia mós misaun ida ne’e”, realsa Lu Olo.

Nia subliña, Ministériu Públiku hadia barak ona justisa atu fó protesaun ba menor no família sira iha Timor-Leste, nune’e merese apresiasaun husi Timor oan hotu, fo mós apresiasaun ba tribunal sira no instituisaun sira seluk iha sistema judisiáriu no sosiedade ne’ebé kontribui ba rezultadu diak liu.

“Ita fiar metin no enkoraja Ministériu Públiku, ninia majistradu sira no ofisiál justisa sira no mos majistradu judisiáriu sira no mos operador rede kolaborasaun ba proteje menor sira, no família atu kontinua hala’o servisu diak. Imi-nia dedikasaun sei kontribui ba harii sosiedade dame no moris diak, hasees-an husi prekonseitu no dezigualidade sosial, livre husi diskriminasaun, livre husi violensia hasoru feto no labarik, nune’e livre husi kriminal no forma ne’ebé deit”, dehan nia.

Nia afirma, servisu Ministériu Públiku nian durante tinan 20, iha avaliasaun diak no  seguru para atu la’o ba oin, atual Prokurador Jeral Repúblika, ne’ebé nia kontinua baze ne’ebé doutora Ana Pessoa ho Doutor Longuinhos husik hela, komesa la’o dadauk.

“Progresu sei iha, pelo facto majistradu sira liu husi Ministériu Públiku nian, komesa barak ona, no ha’u fiar katak ba oin sei la’o diak, agora buat saida mak importante liu maka Parlamentu Nasionál ho Governu hamutuk para hadia lei, para nune’e Ministériu Saúde bele funsiona ho diak”, tenik Lú Olo. Oly

Lee hotu :   UPF-TNI hatudu kooperasaun diak iha fronteira

Add to Comments Here!!!!

error: Content is protected.
Secured By miniOrange
You might also like:
PERMATIL halo akampamentu 10 iha suku Dare

Konserva rekursu bee hodi infiltra udan...

Fasilita GAM hasa’e sintu iha Indonézia, FM husu KomJer PNTL loke investigasaun

Fundasaun Mahein (FM), husu Komando Jerál ...

Obriga tula ema nia oan feto iha kareta, vítima keixa ba PNTL

Vítima minoridade ida ho inisial NGBS...

Close