JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Projetu 143 laiha kontratu, PJR husu Governu lalika halo pagamentu

Projetu 143 laiha kontratu, PJR husu Governu lalika halo pagamentu

Prokuradór Jerál Repúblika (PJR), José da Costa Ximenes, informa, projetu 143 Ministériu Públiku (MP) halo ona investigasaun iha balun iha termu kontratu no balun laiha termu kontratu, tanba ne’e PJR husu Governu lalika halo pagamentu ba projetu 143 ne’ebé laiha kontratu.

“Husi projetu 143 ne’e balun ami haree no análiza, balun iha kontratu no balun laiha kontratu, balun laiha kontratu projetu seidauk halo, kuandu projetu seidauk halo, kontratu laiha, laiha devér ba parte sira”, José Ximenes hato’o kestaun ne’e ba jornalista sira hafoin informa servisu mensál ba Xefe Estadu, Francisco Guterres “Lu Ólo”, iha Palaçio Presidencial, Bairro Píte, Díli, Segunda (19/10/2020).

PJR ne’e akresenta, maske kompañia hirak ne’e hala’o ona sira nia servisu, maibé karik laiha legalidade ruma, nune’e Governu labele selu.

“Seidauk selu ne’e normál, tanba kontratu laiha, agora buat ida ne’ebé problema mak saída? Kontratu laiha, servisu halo. Estadu iha mundu kumpre nia dever bainhira kontratu, laiha kontratu di’ak liu lalika paga, laiha kontratu Estadu laiha obrigasaun. Sé la’e mina ida ne’e fakar hotu de’it ba projetu sira ne’ebé la’ós laiha kualidade, maibé laiha kontratu. Hanesan mós funsionáriu kontratadu ida bainhira ita selu kuandu kontrata nia”, termina José Ximenes.

Projetu sira ne’e inísiu husi Governu anterior nian, autoriza halo konstrusaun no rekonstrusaun ba estrada, ponte, drainajen no selu-seluk tan.

Husi totál númeru ne’e, Governu halo ona pagamentu ba projetu hamutuk 97 no dau-daun ne’e hela projetu 46 mak Ministériu Públiku (MP) termina prosesu investigasaun, tanba konsidera laiha legalidade. san

Lee hotu :   PN seidauk aprova LAK, Luis Sampaio: Sei la implika CAC nia servisu

Add to Comments Here!!!!

error: Content is protected.
Secured By miniOrange
You might also like:
PJR husu Governu hasai direitu veteranu ne’ebé falsifika dokumentu

Prokuradór Jeral Repúblika (PJR), José da...

PR Lú Olo promulga ona OJE 2020

Prezidente Repúblika (PR), Francisco Guterres “Lú...

Lori FRETILIN ba muzeu, Marí Alkatiri kontra ideia Xanana

Sekretáriu Jerál partidu Frente Revolucionária de...

Close