JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sosiedade Sivíl: Prabowo komete krime tolu iha Timor-Leste

Sosiedade Sivíl: Prabowo komete krime tolu iha Timor-Leste

Sosiedade Sivíl Timor-Leste (TL) konsidera atuál Ministru Defeza Indonézia, Prabowo Subianto, komete krime violasaun direitu umanu boot tolu (3) iha Timor-Leste durante okupasaun Indonézia.

Antes ne’e Xefe Estadu Maior FALINTIL-Forsa Defeza Timor-Leste (F-FDTL), Major Jenerál Lere Anan Timur, deklara, eis Jenerál Prabowo Subianto la tama iha lista komete krime grave, liu-liu violasaun direitu umanu iha Timor-Leste.

“Maibé tuir relatóriu Comissão de Acolhimento, Verdade e Reconciliação de Timor-Leste (CAVR) no Organizasaun Nasaun Unidas (ONU) nian rasik relata atuál Ministru Defeza Indonézia ne’e envolve iha masákre sira ne’ebé akontese iha Timor-Leste hahú husi masákre Marabia Díli iha tinan 1980, masákre Kraras-Viqueque iha tinan 1983, inklui masákre Santa Kruz iha Tinan 1991 ne’ebé konsideradu masákre ho eskalaun internasionál. Nune’e sosiedade sivíl sira reprezenta povu Timor-Leste kontinua ezije ba komunidade internasionál atu julga Prabowo Subianto, tanba líder Indonéziu ne’e mak sai Komandante Komando Pasukan Khusus (KOPASSUS) hodi oho ema sivíl no violasaun direitu umanu iha rai ida ne’e”, Vise Diretór Asosiasaun HAK, Sisto dos Santos ba GMN iha ninia kna’ar fatin Farol-Díli, Kinta (22-10-2020).

Sisto lamenta tebes ho desizaun Ministériu Estranjeiru Estadu Unidu Amérika (EUA) ne’ebé fó lisensa ba Prabowo hodi hala’o vizita ba nasaun refere, maske antes ne’e Prabowo mós iha lista metan.

“Tanba nia hetan orientasaun ne’e mak problemátiku, estadu ida invade povu iha rai seluk uza arma estadu nian ba oho ema sivíl ne’e violasaun direitu umanu ne’e krime kontra umanidade, agora ita julga ida ne’e no lei kriminalzia ida ne’e, Prabowo Subianto nia hanesan komandante KOPASSUS iha 80 to’o 90 e tall iha Timor-Leste”, tenik Vise Diretór Asosiasaun HAK ne’e.

Nia akresenta, Timor-Leste tenke hadi’a lia-loos ne’e no ligadu pasadu nian hodi bele garante, hadi’a no hametin demokratizasaun no direitu umanu iha futuru mai.

“Imajina sé autór estadu oho ema sivíl mak ita la julga ona, sá tan autór estadu balun komete hela korupsaun ita la julga tan sira, tanba ne’e ami ezije bei-beik hela ne’e la’ós problema Timor, maibé nu’udár responsabilidade komunidade internasionál”, afirma Sisto.

Peskizadór Asia Justice And Rights (AJAR), Inocêncio de Jesus Xavier, husu ba F-FDTL ne’ebé nu’udár protesaun ba direitu umanu hodi kontinua defende direitu sidadaun sira, inklui sira ne’ebé mate iha tempu invazaun Indonézia.

“Agora ita ko’alia kona-bá kontestu luta F-FDTL nu’udár ptotesaun ba direitu umanu, entaun iha situasaun ida ne’e tenke hatudu nafatin komportamentu ba defeza direitu sidadaun, inklui sira ne’ebé mate ona no hetan violasaun direitu umanu, inklui labarik ne’ebé mak lakon iha tempu Indonézia nia ukun”, hakotu Peskizadór husi AJAR ne’e. ida

Lee hotu :   Xefe Estadu husu PN aprova lalais LAK

Add to Comments Here!!!!

error: Content is protected.
Secured By miniOrange
You might also like:
Maske laiha transmisaun lokal COVID-19, Xanana Gusmão kontinua alerta ba povu tomak atu kuidadu-an

Eis Prezidente Repúblika, Kay Rala Xanana...

Prezensa padroeira iha IEC atu eduka estudante sira

Prezidente Ezekutivu Fundasaun Cristal, Agostinho dos...

DJE prontu sai empreza públika hodi jere orsamentu rasik

Diretór Jerál Estatístika, Elias dos Santos...

Close