Tama ilegál husi fronteira, PNTL kaptura ema 14

Komandante Jerál Polísia Nasionál Timor-Leste (PNTL), Komisáriu Faustino da Costa, hatete, durante implementasaun Estadu Emerjénsia (EE) iha fulan Outubru ne’e, PNTL kaptura ona sidadaun na’in 14 iha fronteira, tanba tama mai Timor-Leste liu husi dalan ilegál.

Husi na’in  14 ne’e, na’in 13 hanesan estudante ne’ebé halo estudu iha nasaun viziñu Indonézia no na’in ida deskonfia lori atributu arte mársiál nian.

No dau-daun ne’e sidadaun sira ne’e asegura ona iha kuarentena iha fronteira, hodi kumpre regra Ministériu Saúde (MS) no Organizasaun Mundiál Saúde (OMS).

“Iha semana ne’e nia laran ita halo kapturasaun ilegál iha fronteira total 14 pessoas, ida mak indikasaun lori atributu arte mársiais, sira seluk ita nia estudante sira ne’ebé hela ka kontinua sira-nia estudu iha Indonézia, ita aplika klaru que primeiru nia tama tenke ser ba kuarentena, tanba tuir medida preventiva dekretu Governu ne’ebé iha sira sei selu multa ne’e iha imigrasaun kompleta 14 dias, sira mak gasta iha ne’ebá, tanba iha ne’ebá ki’ik liu USD 50 ate USD 250”, dehan Komandante Jerál PNTL, Komisáriu Faustino da Costa, iha Palásiu Prezidensiál Nicolau Lobato, Bairro Píte-Díli, Kinta (15/10/2020).

Dau-daun ne’e, PNTL kontinua halo seguransa ne’ebé máximu iha fronteira, hodi halo kontrolu, nune’e prevene transmisaun surtu COVID-19 mái Timor-Leste. Ina