JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana: Krize polítika iha TL tanba órgaun haat Estadu ni’an la respeita konstituisaun

Xanana: Krize polítika iha TL tanba órgaun haat Estadu ni’an la respeita konstituisaun

Eis Prezidente Repúblika, Kay Rala Xanana Gusmão, hatete, krize polítika ne’ebé la’o namanas iha Timor-Leste (TL), tanba órgaun haat Estadu TL hanesan Prezidente Repúblika (PR), Parlamentu Nasionál (PN), Governu no Tribunál Rekursu (TR) la respeita tiha ona konstituisaun ne’ebé sai hanesan mata-dalan ka ran no ruin ba Estadu ida ne’e nia lala’ok tomak.

Líder karismátiku Kay Rala Xanana Gusmao hato’o asuntu ne’e iha semináriu akadémika ne’ebé realiza husi Fakuldade Siénsia Sosiál, Universidade Nasionál Timor Lorosa’e (UNTL), hodi komemora aniversáriu UNTL ba dala XX, Sábadu (10/10/2020), ne’ebé partisipa husi estudante, dosente no mós diplomata senior Timor-Leste, José Ramos Horta.

Iha okaziaun ne’e, Kay Rala Xanana Gusmao liu husi ninia intervensaun hatete, krize polítika ne’ebé akontese iha rai-laran hodi to’o ohin loron sei la’o rungu-ranga ne’e, tanba ai-rin 4 ou líder sira hanesan PR, Governu, PN no TR la respeita tiha ona konstituisaun RDTL.

Eis Prezidente Repúblika ne’e mós kestiona kona-bá responsavél máximu husi ai-rin 4 ne’ebé estabelesidu iha nasaun demokrátiku hanesan TL ne’e, tanba la respeita konstituisaun RDTL no lei sira ne’ebé iha.

“Tenke harii kultura demokrátika no institusionál ida-diak. Kultura demokrátika no institusionál ne’ebé propriu duni ba Estado de direito. Kuandu ita temi Estado de direito katak, iha Estadu iha direitu. Direitu ne’e mak lei, konstituisaun ne’ebé hotu-hotu tenke hakru’uk ba”, dehan líder karismátiku ne’e.

Xanana hatete, presiza hadia servisu ai-rin 4 ne’ebé estabelese ona iha konstrusaun Estadu ne’e, tanba Xanana rasik seidauk haree implementasaun prinsípiu hirak ne’ebé iha ona iha ai-rin 4 ne’e.

Entretantu, Kay Rala Xanana Gusmão mós husu ba estudante no dosente  UNTL sira atu independente, imparsiál no onestidade wainhira ko’alia buat ne’ebé loos no justu.

Iha fatin hanesan, Dekanu Fakuldade Siénsia Sosiál, Camilo Ximenes de Almeida, agradese ba maun boot Kay Rala Xanana Gusmão, ne’ebé disponivél hodi fahe nia esperiénsia ba estudante UNTL, liu-liu ba fakuldade Siénsia Sosiál.

“Konsidera maun boot Kay Rala Xanana Gusmão hanesan ema ida ne’ebé mak matenek iha siénsia polítika. Ita hotu-hotu hatene katak, iha mundu ne’e rai barak ne’ebé foin mak ukun-an presiza duni hanoin sira hanesan ne’e, maun boot ami presiza fó nia hanoin. Dalabarak ami konvida ona líder barak atu mai, maibé sira laiha oportunidade. Tanba ne’e buat ne’ebé maun boot Xanana ohin ko’alia mak estudante no dosente sira tenke koloka independente no imparsialidade”, dehan Camilo. tos

Lee hotu :   Ema oho Jaime Gusmão iha Hera

Add to Comments Here!!!!

error: Content is protected.
Secured By miniOrange
You might also like:
Arsenio konsidera Ângela Freitas halo akuzasaun falsa ba Marí Alkatiri

Prezidente Autoridade Rejiaun Administrativu Espesiál Oe-Cusse...

Dom Virgílio: Governo tem uma tarefa difícil na retoma da economia

O Arcebispo Metropolitano de Díli, Dom...

Economista pede a Governo análise profunda na distribuição de Cesta Básica

O economista timorense João Mariano Saldanha...

Close