JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana sai sasin ba kazu publikasaun relatóriu KJP

Xanana sai sasin ba kazu publikasaun relatóriu KJP

Líder Nasionál Kay Rala Xanana Gusmão, iha Sesta, loron 30, fulan ne’e, mais ou menus tuku 10:00 dader, hakat mai Tribunál Distritál Díli (TDD) hodi kumpre xamada husi Tribunál.

Prezensa líder nasionál iha tribunál ne’e, hodi sai testamuña ba prosesu providénsia kautelar, relasiona ho publikasaun relatóriu Komisaun Justisa no Paz (KJP) nian iha rede sosiál.

Iha prosesu ne’e, Padre Herminio de Fátima Gonsalves mós sai sasin prinsipál ba prosesu ne’e.

Alénde ne’e, Padre Herminio de Fátima Gonsalves, liu husi deklarasaun iha audénsia katak, testamuña rasik laiha koñesimentu kona-bá áktu divulgasaun relatóriu ne’e.

Padre Herminio mós esplika, nia simu pedidu ida husi Xanana Gusmão, hodi husu relatóriu ne’e, tanba tuir Xanana relatóriu ne’e, la hatúr justísa ho loloos.

Tuir Padre ne’e katak, relatóriu ne’e haruka uluk ba Arsebispu Metropolita Díli, Dom Virgílio do Carmo da Silva, SDB, hafoin simu tan pedidu husi Xanana Gusmão.

Iha sorin seluk, Kay Rala Xanana Gusmão deklara, konteúdu husi relatóriu ne’e rasik deskreve kona-bá kazu ne’ebé antes ne’e akontese, iha uma mahon Topu Honis.

“Ha’u ba Oe-Cusse komunidade sira iha ne’ebá ko’alia kona-bá problema ida ne’e, depois ha’u fila mai sa’e ró hamutuk ho padre Herminio nia konta istória kona-bá problema ne’e no padre dehan nia ba sei halo relatóriu kona-bá problema violasaun sira ne’e. Tanba ne’e mak ha’u husu karik halo hotu bele fó hela relatóriu ne’e mai ha’u”, konfesa Xanana iha sala julgamentu.

Maibé relatóriu ne’e rasik, la’ós sai konsumu públiku, maibé konfidensiál.

Tanba ne’e, Xanana deklara tan, nia parte husu relatóriu ne’e husi KJP, atu konfirma loloos kona-bá faktu sira ne’ebé konsta iha relatóriu ne’e.

“Ha’u mai iha ne’e sai nu’udár testamuña kona-bá kazu ida kona-bá publikasaun relatóriu husi KJP ne’ebé ema hotu-hotu hakfodak, hodi nune’e mak ha’u mai atu dehan de’it katak la’ós padre Herminio mak publika, ha’u rasik mak simu, ami mai hamutuk iha ró husi Oe-Cusse mai ha’u la koñese nia, ami rua ko’alia ba malu mak nia foti kazu ne’ebé nia ba imvestiga, no mós ha’u iha hanoin kona-bá kazu ida ne’e, ha’u sente katak ladún tuir dalan loloos, bainhira ita halo investigasaun ba justisa”, dehan eis Primeiru Ministru ne’e liu husi entervista ho jornalista sira iha TDD, Sesta (30-10-2020).

Defeza ba rekerente, Advogada Privadu, Hildegar Wondeng, hateten, prosesu ne’e rasik parte rekerente husu tribunál rekolla fali relatóriu ne’ebé KJP elabora ona.

“Prosesu ida ne’e hanesan providénsia kautelar ka prosesu ida ne’e hanesan prosesu difamasaun ida, tuir loloos la’ós halo kontra igreja, maibé kontra relatóriu husi KJP ne’ebé mak iha relatóriu ne’e hateten, Justísa Sosiál (JUS) halo esplorasaun ba labarik no mós hanesan mafia justísa. Ami husi JUS la’ós iha hanoin atu kontra igreja Katólika lae? maibé iha ami-nia pedidu husu de’it ba tribunál atu rekolla relatóriu KJP nian atu to’o asaun prinsipál mak tribunál sei deside katak iha duni direitu prejudikadu ka lae, ida ne’e de’it”, hateten Advogadu Privadu ne’e.

Tuir informasaun ne’ebé GMN asesa, Arsebispu Metropolita Díli, Dom Virgílio do Carmo da Silva, SDB, la marka prezensa, tanba seidauk simu despaixu husi Núnsiu Apostóliku.

Prosesu ne’e rasik, ho nia númeru rejistu, NUC 0278/20 CV/ TDD.

Entretantu prosesu ne’e prezide husi Juíza Singular, Edite Palmira, parte rekerente hetan asisténsia husi Advogadu Privadu na’in rua no mós rekeridu hetan asisténsia husi advogadu na’in rua. san

Lee hotu :   Komete krimi koasaun sexual, TDD kondena arguidu prizaun tinan tolu

Add to Comments Here!!!!

error: Content is protected.
Secured By miniOrange
You might also like:
Implementa zero plástiku, SEA monitoriza loja iha Díli

Sekretaria Estadu Ambiente (SEA) halo monitórizasaun...

Tempu badak, MSSI implementa apoiu manutensaun rekuperasaun ekonómika

Vise Primeira Ministra (PM), Ministra Solidariedade...

PN konklui ona kalendáriu debate OJE 2021

Uma fukun Parlamentu Nasionál (PN) konklui...

Close