JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Abrão Filipe subtitui Koordenadór Seguransa Alex Samurai

Abrão Filipe subtitui Koordenadór Seguransa Alex Samurai

Liu husi Koordenasaun entre PN ho Komandu Jerál PNTL deside nomeia Asistente Superintendente, Abrão Filipe Dias Quintas, subtitui antigu Koordenadór Seguransa iha Gabinete Parlamentu Nasionál (PN), Inspetór Alexandrino da Costa “Alex Samurai”.

“Ohin dader ita halo serimónia mudansa Lei da Organização e Funcionamento da Administração Parlamentar (LOFAP) determina sesaun gabinete kona-bá seguransa nian, durante ita hetan kooperasaun ida ne’ebé  di’ak husi PNTL, hanoin PNTL destake durante tinan tolu ne’e presiza mós mudansa“, Sekretária meza PN, Lídia Norberta ba jornalista sira iha PN, Segunda (23-11-2020).

Ho nune’e, Sekretária meza PN, hateten, molok ne’e PN haruka ona karta subtituisaun antes, la’ós tanba mosu dezintendimentu entre Inspetór Alexandriono da Costa ho deputadu David Dias Ximenes “Mandati”.

Inspetór Alexandrino da Costa sai nu’udár Koordenadór seguransa iha PN iha fulan Dezembru, tinan 2017, sei transfere fali ba Komando Unidade Espesiál Polísia (UEP), iha Unidade Korpu Seguransa Pesoál.

Lei númeru 12/2017, loron 24, fulan Maiu, kona-bá lei organizasaun no funsionamentu administrasaun parlamentár previstu iha artigu 21, Gabinete Seguransa Koordenadór Ofisiál Seguransa destaka husi PNTL. Maske lei LOFAP la prevista mandatu koordenadór foun seguransa iha PN, maibé troka ne’e para iha mobilidade servisu, nune’e mós seguransa presta forma permanente.

Asistente Superintendente, Abrão Filipe Dias Quintas, hateten, nia parte sei kontinua servisu ne’ebé mak Koordenadór anterior hala’o tiha ona, hodi asegura seguransa iha PN.

“Ha’u sei asegura Gabinete Seguransa, tanba antes Prezidente PN mak husu atu tau Ofisiál Superiór, entaun komandu koloka ha’u mai iha fatin ida ne’e”, dehan Abrão.

Antigu Koordenadór Seguransa PN, Inspetór Alexandrino da Costa “Alex Samurai”, hateten, transferénsia servisu ne’e normál akontese, la’ós de’it iha PN, maibé akontese mós iha fatin hotu.

“Orden husi Komando Jerál nu’udár membru tenke kumpre, fó tempu ba superiór sira ne’ebé mak bele mai servisu iha PN, ida ne’e signifika ha’u hanesan ofisiál, maibé tuir lei orgániku PN artigu 21 komando nomeia ofisiál superiór durante tinan-tinan Komando Jerál fó konfiansa durante tinan tolu, ha’u agradese”, tenik Alex Samurai.

Inspetór Alexandrino da Costa “Alex Samurai” destaka iha PN iha fulan Novembru, tinan 2017.

Serimónia entrega podér husi Koordenadór anterior ba Koordenadór foun Seguransa destake iha PN ne’e realiza iha sala konferénsia PN.

Antes ne’e Asistente Superintendente, Abrão Filipe Dias Quintas, nu’udár Segundu Komandante PNTL munisípiu Manufahi. ety

Lee hotu :   Jesuína Gomes: “Hau sei foka liu ba direitu ekonomia no kultura”

Add to Comments Here!!!!

error: Content is protected.
Secured By miniOrange
You might also like:
Arsénio Bano rejeita “maltrata” hasoru komandu PNTL Oe-Cusse

Prezidente Autoridade Rejiaun Administrativa Espesiál Oe-Cusse...

MKAE rejeita informa polémika sosa produtu husi loja Andy

Ministru Koordenadór Asuntu Ekonómiku (MKAE), Joaquim...

VMF Sara: Saláriu ba funsionáriu fulan Novembru tama tarde

Vise Ministra Finansa (VMF), Sara Lobo...

Close