JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Alkatiri keixa CNRT ba Ministériu Públiku

Alkatiri keixa CNRT ba Ministériu Públiku

Sekretáriu Jerál partidu FRETILIN, Marí Alkatiri, Sesta semana ne’e, iha tuku 09:55 hakat ba edifísiu Prokuradoria Jerál Repúblika (PJR), ho objetivu keixa deputadu sira husi bankada Conselho Nacional de Reconstrução de Timor (CNRT) na’in 21.

Prezensa Marí Alkatiri iha PJR ne’e simu diretamente husi líder máximu Ministériu Públiku (MP), Prokuradór Jerál Repúblika, José da Costa Ximenes no akompaña husi Advogadu Privadu, José Guterres, Arlindo Sanches no Luke Alkatiri.

“Ha’u mai entrega prosesu keixa ida, keixa krime hanesan ha’u promete tiha kleur ona, iha momentu ne’e ha’u entrega keixa krime kontra bankada CNRT, husi xefe bankada to’o kraik, sira hotu 21. Tanba ko’alia laloos, agora tenke mai hatán liu husi MP, depois mak deside lori ba tribunál”, Sekretáriu Jerál partidu FRETILIN ne’e ba jornalista sira edifísiu Prokuradoria Jerál Repúblika (PJR), Sesta (06-11-2020).

Keixa ne’ebé Alkatiri hato’o relasiona ho deklarasaun deputadu sira husi bankada opozisaun CNRT iha uma fukun Parlamentu Nasionál (PN) no kona-bá konteúdu husi keixa ne’e, Alkatiri dehan iha ona prosesu justisa, tanba ne’e segredu justisa.

“Ne’e ha’u hatama ona iha MP ha’u labele ko’alia ba Públiku. Konteúdu ne’e agora segredu da justisa, sira hein de’it sei bolu sira no sei bolu ha’u”, tenik Sekretáriu Jerál partidu FRETILIN ne’e.

Marí akresenta, sira halo deklarasun ne’e la’ós iha plenária, maibé iha resintu Parlamentu Nasionál.

CNRT prontu ba hatan

Xefe bankada CNRT, Duarte Nunes, hateten, bankada CNRT prontu hatán keixa ne’ebé Marí Alkatiri hato’o ona ba Ministériu Públiku (MP).

Xefe bankada CNRT ne’e afirma mós katak, hanesan sidadaun iha dalan atu hato’o keixa ba kualker aktu ka deklarasaun ruma ne’ebé sente akuzadu.

“Nia sente prejudikadu nia halo keixa ne’e nia direitu, ne’e lei permite, ami ko’alia, tanba haree katak ami iha direitu atu ko’alia, ne’ebé ita hein de’it, ba Tribunál ne’e bai-bain ona. Ami prontu bainhira de’it mak Tribunál bolu”, deklara Duarte Nunes ba GMN iha Parlamentu Nasionál (PN), Sesta (06/11/2020).

Alénde ne’e, deputadu opozisaun ne’e mós subliña, CNRT mós iha hanoin atu halo keixa hasoru bankada FRETILIN nia deklarasaun sira ne’ebé durante ne’e halo.

Entretantu keixa ne’ebe atúal Sekretáriu Jerál partidu FRETILIN, Marí Alkatiri hato’o ba MP iha Sesta semana ne’e, tanba konsidera prejudikadu ho deklarasaun bankada CNRT ne’ebé durante ne’e hato’o iha PN. san/say

Lee hotu :   Operasaun ba GAM, Governu estabelese ekipa Task Force

Add to Comments Here!!!!

error: Content is protected.
Secured By miniOrange
You might also like:
Konsolida profesionál IT, ICT-TL realiza kongresu daruak

Asosiasaun Information Comunication and Technology Timor-Leste...

PM: TR kontinua hakbesik-an ba inan-aman iha área remota

Primeiru Ministru (PM), Taur Matan Ruak,...

MD: Joven idade 18 tenke prontu serví TL

Ministru Defeza (MD), Filomeno Paixão de...

Close