JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Alkatiri sei keixa ba MP kona-bá kazu Skylight

Alkatiri sei keixa ba MP kona-bá kazu Skylight

Sekretáriu Jerál partidu FRETILIN, Marí Alkatiri, afirma, nia parte sei keixa ema hirak ne’ebé akuza nia envolve iha operasaun Skylight ne’ebé konsege hamate mós saudozu Nicolau dos Reis Lobato.

“Ne’e keixa seguinte, sira be ko’alia buat ne’e sei mai hatán hotu”, Sekretáriu Jerál partidu FRETILIN ne’e ba jornalista sira edifísiu Prokuradoria Jerál Repúblika (PJR), Sesta (06-11-2020).

Antes ne’e, iha loron 7, fulan Jullu, tinan ne’e, atuál Sekretáriu Jerál partidu FRETILIN ne’e mós hato’o ona keixa ba dahuluk, relasiona ho akuzasaun husi Konsellu Polítiku Nasionál CNRT ne’ebé hateten, Marí Alkatiri simu subornu husi kompañia ConocoPhillips ho montante osan tokon USD 5.

Antes ne’e, eis komandante FALINTIL, Rogério Lobato, deklara, Marí Alkatiri mós envolve iha operasaun Skylight no tuir ain fatin operasaun Skylight mak iha tempu badak inimigu invazór kaer no oho líder FRETILIN ne’ebé halo funu atu liberta Timor-Leste.

“Nia halo duni traisaun ba memoria Prezidente Nicolau Lobato nian ka lae, bainhira nia halo Certificado de Reconhecimento hodi rekoñese traidór Alarico Fernandes, tanba husi traisaun ne’e mak halo lakon no halo mate lideransa tomak ita nia luta nian. Mensajen operasaun Skylight ne’ebé Alarico Fernandes haruka ba rai-liur, diriji ba Marí Alkatiri nu’udár reprezentante plenipontensiáriu FRETILIN nian iha Mocambique. Molok to’o iha ha’u nia liman, liu uluk husi ita-nia radista iha Darwin, tuir mai liu ba Sidney, mak ita nia belun boot ema Australia naran Denis Frencey (Nia mate tena) mak haruka tutan ba ha’u. Bainhira to’o iha ha’u nia liman, ha’u hato’o kedas ba Servisu Seguransa Mocambique. Bainhira sira lee, sira hakfodak ho situasaun ne’ebé akontese iha ita-nia rai-laran. Liu tempu balun Comité Central Partido FRELIMO liu husi membru buru polítiku, Emilio Aramando Guebuza fó hatene iha Katembe katak, haree ba mensajen ne’ebé Alarico Fernandes haruka ne’e sai hánesan evidénsia ida atu labele simu tan Marí nu’udár Interlokutór FRETILIN ba partidu FRELIMO no ba Governu Mocambique iha nia fatin Ramos Horta, Roque Rodrigues, Abilio Araujo ho ha’u rasik hili Jose Luis Guterres “Lugu” nu’udár reprezentante foun hodi troka Marí Alkatiri. Sei iha tan “lia moe ne’ebé subar”, maibé loron ida ha’u sei dehan sai ba militante FRETILIN hotu no ba povu Timor-Leste tomak atu hatene”. san

Lee hotu :   Kareta deputadu PN ida viola regra tránzitu

Add to Comments Here!!!!

error: Content is protected.
Secured By miniOrange
You might also like:
Xanana Gusmão triste rona família saudozu Samba Sembilan la simu subsídiu veteranu

Kay Rala Xanana Gusmão, Sesta (06/11/2020),...

Alkatiri: Kontra Plano da Paz wainhira Xanana sei iha Cipinang

Sekretáriu Jerál partidu FRETILIN, Marí Alkatiri,...

MJ: Elementos da PCIC poderão ser demitidos em caso de mau uso de arma de fogo

O Ministro da Justiça (MJ), Manuel...

Close