JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Durante implementa EE, PNTL kaptura ema 1000 resin

Durante implementa EE, PNTL kaptura ema 1000 resin

Durante implementasaun Estadu Emerjénsia (EE), Polísia Nasionál Timor-Leste (PNTL) kaptura  ema rihun ida (1000) resin, tanba tama ilegalmente liu husi fronteira entre Timor-Leste ho Indónezia.

“Ita konta hahú husi 27, Marsu ha’u seidauk bele fó, maibé ema  bele ko’alia ne’e rihun resin, maibé iha EE ba dala neen no hitu ne’e menus”, Komandante Jerál PNTL, Komisáriu Faustino da Costa ba jornalista sira Segunda (16/11/20), iha Sentru Formasaun Polísia Comoro, hafoin hala’o enkontru ho Komandante sira, hodi avalia implementasaun EE no avaliasaun situasaun jerál iha rai-laran.

Durante Prezidente Repúblika (PR) dekreta EE hahú iha loron   27, fulan Marsu to’o fulan Novembru ne’e, relasiona ho prevensaun ba COVID-19 PNTL hanesan seguransa interna, ezekuta ona desizaun PR nian hala’o sensibilizasaun ba komunidade sira hodi halo prevensaun ba COVID-19, tantu iha munisípiu 12 no Rejiaun Administrasaun Espesiál Oe-Cusse Ambeno (RAEOA).

Tanba ne’e, iha Segunda ne’e, Komandante Jerál PNTL, Komisáriu Faustino da Costa ho Komandante PNTL munisípiu  sira no RAEOA hala’o enkontru iha Sentru Formasaun, hodi hala’o avaliasaun ba implementasaun EE.

Faustino da Costa, rekoñese durante implementasaun EE PNTL hasoru difikuldade liu-liu kestaun transporte.

Lidér máximu instituisaun PNTL ne’e mós akresenta, PNTL liu husi Unidade Polísia Fronteira (UPF) kaptura ona ema rihun ida resin durante implementasaun EE, hahú faze ba dahuluk to’o mai agora, hodi hatama  ba iha kuarentena, atu nune’e bele halo prevensaun ba surtu COVID-19.

Dau-dauk ne’e UPF kontinua alerta hodi halo kontrola iha liña fronteira terestre, atu nune’e bele hamenus ema tama no sai iha fronteira ho ilegalmente. avi

Lee hotu :   KHUNTO-CNRT: LKD viola konstituisaun

Add to Comments Here!!!!

error: Content is protected.
Secured By miniOrange
You might also like:
MNEK briefing PR Lú Olo ba adezaun TL iha ASEAN

Ministra Negósiu Estranjeiru no Kooperasaun (MNEK),...

INSS: Apoiu ba empreza no traballadór la inklui empreza formal

Prezidente Administrasaun Institutu Nasionál Seguransa Sosiál...

CNRT la aseita Arsenio prevé tan osan lori fila Ró Haksolok

Vise Xefe bankada CNRT, Patrocínio Fernandes, la...

Close