JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Komunidade Lacluta sunu sasán sesta bázika tanba la tuir presu merkadu

Komunidade Lacluta sunu sasán sesta bázika tanba la tuir presu merkadu

Sasán ba sesta bázika ne’ebé Centro Logístico Nacional (CLN) halibur iha postu administrativu Lacluta, munisípiu Viqueque, hodi distribui ba komunidade sira, hetan sunu husi benefisiáiru balun.

Hafoin Ministru Koordenadór Asuntu Ekonómiku (MKAE), Joaquim Amaral, halo lansamentu ba sesta bázika ne’ebé CLN halibur iha Lacluta, maibé liu tiha minutu balun sasan hirak ne’e hetan sunu husi benefisiáriu balun.

Kazu ne’e akontese, tanba komunidade balun iha fatin refere, diskorda ho presu sesta bázika ne’ebé Governu tau iha panfletu ne’ebe taka iha parede.

Maske nune’e, ahi la konsege han hotu sasán sira ne’e, tanba hetan kedas atuasaun husi PNTL postu Lacluta no komunidade balun.

Suspeitu ne’ebé sunu sasán bázika ne’e PNTL postu Lacluta  detein ona iha sela polísia, hodi kumpre oras 72, nune’e submete ba prosesu investigasaun no PNTL mós sei buka tuir autór sira seluk ne’ebé PNTL identifika ona.

“Kazu ne’e ita hotu la espera, akontesimentu ida ne’e ita hein nia prosesu agora parte PNTL identifika ona ema balun, la kleur ita sei lori ema sira ne’e ba prosesu tuir lei ne’ebé iha ita-nia rai, suspeitu sira agora ami seidauk kaptura, ami sei buka hela depois de kaptura ami sei hatama iha sela polísia para halo prosesu investigasaun, identifika ona suspeitu balun ne’ebé tenta para estraga sasan no atividade ne’ebé kapas tebes, iha ona informasaun, ita sei haree prosesu ne’e hotu ba oin, ita sei haree hotu ida ne’e, seguransa sei mantein distribuisaun sesta bázika, parte PNTL sei halo seguransa, ohin ita nia PNTL iha ne’e, mais ita la espera buat ne’e akontese”, Segundu Komandante PNTL munisípiu Viqueque, Eduardo Campos ba GMN iha Lacluta, Domingo (28/11/2020).

Relasiona ho kazu ne’e MKAE hateten, maske mosu akontesimentu ne’e, maibé distribuisaun sesta bázika sei la paradu.

Governante ne’e mós husu ba komunidade Lacluta  atu respeita sasan ne’ebé Governu oferese, nune’e bele hatudu Timor-Leste nia imajen ne’ebé di’ak ba mundu.

“Akontesimentu ne’e hamri’ik mesak ka iha actor intelektuál ruma ho akontesimentu ne’e, ita hein katak ema seluk labele simu fali ema seluk nia todan, ha’u hein katak señor ida, husu ba Timor-oan hotu atu respeitu ai-han ou sasán ne’ebé iha, sira ne’e la sala, karik iha buat ruma iha dalan atu hato’o liu husi dalan legál, asidente ki’ik-oan ne’e la estraga atividade distribuisaun sesta bázika”, dehan Joaquim Amaral.

Tuir observasaun GMN, maske komunidade balun diskorda ho programa sesta bázika ne’e, maibé kuaze komunidade iha postu Lacluta kontinua simu sasan ne’ebé oferese husi Governu.

Alende ne’e, PNTL postu Lacluta mós halo seguransa másimu durante fahe sasán sesta básika ne’e, hodi labele mosu tan problema. ina

Lee hotu :   Estranjeiru iha BI-Passaporte TL, MJ sei investiga servisu notariadu

Add to Comments Here!!!!

error: Content is protected.
Secured By miniOrange
You might also like:
PN hahú diskute OJE 2021 billiaun USD 1.895, PM Taur: Sei fó resposta ba dezafiu sira

Deputadu Kinta Lejislatura Parlamentu Nasionál (PN)...

PN ladauk simu relatóriu ezekusaun OJE 2020

Reprezentante povu iha uma fukun Parlamentu Nasionál...

COVID-19 halo atividade edukasaun iha TL paralizadu

FOTO:MedSos Vise Ministru Edukasaun Juventude no...

Close