JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Konfrontu iha Kampung Baru, PNTL kaptura suspeitu na’in haat

Konfrontu iha Kampung Baru, PNTL kaptura suspeitu na’in haat

 Polísia Nasionál Timor-Leste (PNTL) kaptura suspeitu (mane) na’in haat, tanba deskonfia envolve konfrontu iha Kampung Baru, suku Comoro. Suspeitu na’in haat ne’e ho inisiál JDS, ADS, SB no MDC.

Tuir informasaun, Polísia kaptura suspeitu sira, tanba deskonfia envolve iha konfrontu tuda malu entre joven sira iha Kampung Baru, iha Sesta (06/11) mais ou menus tuku 07:00 kalan oras Timor-Leste, hodi rezulta tenda mate uma ida estragu, inklui negosiante sira-nia modo no paun ne’ebé fa’an iha área Kampung Baru hetan estragus.

Alénde ne’e vítima, Hermina do Santos, haktuir, kazu tuda tenda mate-uma ne’e akontese hafoin família vítima sira lori mate-isin ida ba halo’ot iha semitériu Becusse.

Hafoin fila komunidade sira tama ba iha tenda no prepara ba han, derepente joven sira mai ho grupu boot, kaer fatuk hodi tuda ba iha tenda mate-uma, hodi fó impaktu ba komunidade iha tenda laran labele han hahan ne’ebé mak prepara ona iha meza leten.

Iha akontesimentu ne’e halo komunidade ta’uk, balun hala’i no balun foti kadeira hodi salva sira-nia-an.

Husi aktu refere, motorizada ida husi família matebian ida lakon, deskonfia grupu joven sira ne’ebé mak envolve iha problema mak foti, alende ne’e negosiante sira ne’ebé mak fa’an iha dalan ninin nia modo no paun, inklui sate fatin monu ba rai, tanba hetan tuda.

Liu minutu balun Polísia to’o iha fatin akontesimentu hodi neutraliza situasaun, maibé Polísia la kaptura suspeitu ruma, tanba suspeitu subar-an.

Ho nune’e, Hermina, husu ba PNTL atu kaptura suspeitu sira ne’ebé envolve iha aktu krime, hodi submete ba prosesu investigasaun.

“Problema ne’e akontese, ami ba hakoi tiha oan iha semitériu Becusse, wainhira ami fila mai, ami han seidauk hotu, derepente fatuk namtate mai, mai serang alin-nia motor balun hetan estragus, fatuk ne’e mai ami satan labele, alin mane sira hi’it kadeira mai, sira mai ne’e nadodon lori inan oan mai hotu, balun lori ai-baku. Tanba ne’e ami husu ba Polísia atu kaptura suspeitu”, Vítima ne’e ba GMN, Sesta (06/11/2020), iha Kampung Baru-Comoro.

Relasiona ho kazu ne’e, família vítima hato’o ona keixa ba Eskuadra Polísia Dom Aleixo. Avi

Lee hotu :   ESTUDANTE UNTL SAI ARGUIDU TANBA LA IHA KARTA KONDUSAUN

Add to Comments Here!!!!

error: Content is protected.
Secured By miniOrange
You might also like:
Komunidade Covalima, Sesta bázika programa bosok povu

Atribuisaun sesta bázika ne’ebé Governu oferese...

CAC pede fiscalização da implementação do Plano de Recuperação Económica

O Comissário Anti-Corrupção (CAC), Sérgio Hornai,...

MTC regulará uso da tecnologia em Timor-Leste

O Ministério dos Transportes e Comunicações...

Close