JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Loron Nasionál Feto ba dala 45, Judit Dias: Ukun na’in tenke asegura no proteje feto

Loron Nasionál Feto ba dala 45, Judit Dias: Ukun na’in tenke asegura no proteje feto

Eis Prezidente Grupu Mulher Parlamentár Timor-Leste (GMPTL), Judit Dias Ximenes, liu husi selebrasaun loron nasionál feto ba dala 45 neꞌe, husu ba ukun na’in sira atu asegura no proteje feto husi violénsia, tanba soberania sei la la’o, bainhira sidadaun sai nafatin vítima iha nia rai rasik.

Eis deputada asembleia konstituiente ne’e hateten, feto presiza moris seguru, livre no feto presiza hetan protesaun husi ukun na’in sira, tanba feto mós luta ba ukun rasik-an.

“Ita komemora nafatin loron nasionál feto ne’e, tanba ita hakarak eleva feto husi emansipasaun hasa’i feto husi sira-nia hela fatin ka sira-nia uma, lori sira ba liur bele asesu ba edukasaun, saúde no bele asesu mós ba servisu públiku. Realidade hatudu, depois de emansipasaun ida ne’e, ita haluha ona ninia asesu, ninia partisipasaun de kontrolu, o hetan benefísiu, maibé saída mak akontese ne’e, to’o agora iha uma de’it mós feto nia seguransa seidauk seguru. Tanba ne’e, liu husi PN ida ne’e, ha’u hakarak apela ba na’i-ulun sira hotu no ba maun boot sira hotu, ukun nasaun soberanu ida ne’e nia signfikadu mak saída, sé nafatin iha ema ruma sai vítima nia uma rasik”, Primeiru Prezidente GMPTL, Judit Dias Ximenes hato’o deklarasaun ne’e liu husi ninia diskursu iha selebrasaun loron feto nasionál ba dala 45, ne’ebé selebra iha Parlamentu Nasionál (PN), Kinta (05/11/2020).

Primeiru Prezidente Grupu Mulher Parlamentar Timor-Leste (GMPTL), Judit Dias Ximenes. Foto: GMN

Iha diskursu eis Prezidente GMPTL husu ba na’i-ulun sira hotu atu kontinua lori nafatin estabilidade ba rai Timor, hodi bele rezolve problema feto vulnerável.

“Xamada atensaun ba na’i-ulun sira hotu katak, feto vulnerável la’ós mak iha Rai Kotu (Terra Santa) ne’e de’it, maibé sei iha fatin barak, tanba husu nafatin ukun na’in sira atu kontinua ativu hodi lori estabilidade ba rai ida ne’e, tau matan ba situasaun vulnerabilidade ne’ebé mak família hasoru, feto hasoru no labarik hasoru, signifika nia aman mós hasoru, família tomak hasoru problema ida ne’e”.

“Hanesan feto Timor-Leste husu nafatin atensaun nafatin, tanba situasaun vulnerabilidade ne’ebé feto hasoru mak hanesan, má nutrisaun ba inan no oan sira, mortalidade ba inan no oan aas nafatin, dalaruma ko’alia kona-bá feto ema sente komik, maibé feto ne’e se? feto ne’e mak ita-nia oan feto, bei-oan feto, inan no avó feto, dala barak ema la hanoin to’o ida ne’e”, tenik eis Prezidente Rede Feto ne’e.

Alénde ne’e, Prezidente Parlamentu Nasionál (PN), Aniceto Guterres, hateten violénsia ne’ebé kontinua mosu hasoru feto, la’ós feto nia preokupasaun de’it, maibé sai mós preokupasaun sosiedade tomak nian.

“Iha komemorasaun loron feto nasionál ne’e, lori ita hanoin hikas feto sira iha sosiedade Timorense iha periódu sira liu-bá kotuk, komemorasaun ne’e konvida mós ita hotu atu halo mós reflesaun ida iha aspetu bo’ot tolu, feto iha umanidade, feto iha evolusaun sosiedade no feto iha polítika no dezenvolvimentu”, afirma Aniceto Guterres.

Tuir loloos selebrasaun loron nasionál feto ne’e, selebra iha loron 3, fulan Novembru, kada tinan, maibé PN selebra iha loron 5, fulan ne’e, nune’e bele hetan partisipasaun husi entidade hotu. say

Lee hotu :   KAZU TIRU IHA MALIANA, KOMJER PNTL HUSU KOMANDU MUNISÍPIU FO INFORMASAUN

Add to Comments Here!!!!

error: Content is protected.
Secured By miniOrange
You might also like:
KAK husu Governu fiskaliza rekuperasaun ekonomia

Komisáriu Komisaun Anti Korupsaun (KAK), Sergio...

Fulan ne’e, MSSI sei halo pagamentu ba reklamante

Diretór Jerál Ministériu Solidariedade Sosiál no...

MESSK fó oportunidade ba veteranu nia-oan 600

Ministru Ensinu Superior Siénsia no Kultura...

Close