JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Manuel Cárceres fiar suspeitu kazu Terra Santa sei hetan pena todan

Manuel Cárceres fiar suspeitu kazu Terra Santa sei hetan pena todan

Ministru Justisa (MJ), Manuel Cárceres da Costa, fiar katak, suspeitu ba kazu asasinatu Terra Santa, ne’ebé hamate inan-feton Domingas Soares no hakanek ninia oan Limdi Moy iha semana kotuk, sei hetan pena ne’ebé todan no kazu refere tama ona ba kompeténsia Ministériu Públiku (MP) no Tribunál nian.

Governante ne’e mós kondena atu krime ne’e no konsidera hahalok hanesan ne’e labele akontese iha Timor-Leste. Tanba ne’e, nia kontinua tau matan ba prosesu justisa ba kazu asasinatu ne’ebé MP akuza ona arguidu ho krime tentativa omisídiu agravadu ne’ebé previstu iha artigu 139, Kódigu Penál Timor-Leste.

“Tanba ha’u iha kbi’it ida liu husi Konsellu Koordenasaun Justisa bele ko’alia ho Prokuradór Jerál Repúblika, bele ko’alia ho Tribunál Rekursu (TR) para haree kazu sira hanesan ne’e. Agora husik sira halo lai servisu, ita ko’alia antes orsida ema bele dehan katak, ita tau kanuru tohar, maibé ha’u fiar katak nia sei hetan kastigu ida todan, tanba nia agora iha ona prizaun preventiva, ita agora ajuda ba halo porsesu ne’e la’o di-di’ak, ne’e ita hotu buka informasaun no halibur informasaun liu-liu fó protesaun ba ita-nia alin oan ne’e para depois evidénsia sira ne’e labele lakon”, MJ hato’o lia hirak ne’e hafoin reuniaun Konsellu Ministru (KM), Kuarta (04/11/2020).

PN husu labele halimar ho autor krime

Husi sorin seluk, Parlamentu Nasionál (PN) kondena maka’as aktu omisídiu kazu Terra Santa ne’ebé hamate matebian Domingas Soares no hakanek ninia oan LimDi Moy, nune’e PN husu Tribunál atu labele halimar ho autór ba krime refere.

“Nu’udár reprezentante husi PN no  nu’udár mós feto no inan ida iha PN, ami lamenta teb-tebes, ami sente sokada teb-tebes, tanba depois de tinan 20 resin, ita sai hanesan nasaun ne’ebé livre no independente, maibé ita ko’alia kona-bá paz no dame, ita labele ko’alia de’it iha nível nasaun, maibé paz ho dame ne’e hahú husi ema ida, iha família ida, iha uma-kain ida ba sosiedade mak ba nasaun. Aktu ida ne’e ami lamenta teb-tebes, tanba atitude ida ne’e, atitude ne’ebé mak ita bele dehan katak krime públiku. Tanba ne’e ita hein katak justisa Tribunál sira bele foti desizaun ne’ebé justu ba vítima ho familia”, Vise Prezidente PN, Maria Angelina Sarmento ba jornalista sira iha semináriu panorama orsamentu ba tinan 2021, ne’ebé hala’o iha Hotel Novo Turismo, Kuarta (04/11/2020).

Nia dehan, desizaun Tribunál tenke fó sentensa ne’ebé todan ba autór, nune’e sai lisaun aprendida ba ema hotu.

“Sé de’it mak komete krime ne’e, Tribunál tenke fó pena ne’ebé mak todan ba autór, atu nune’e bele iha efek jerál ba ema hotu, nune’e krime ka violénsia ne’e labele sai fali hanesan kultura ka abitua iha ita-nia rain”, hateten Vise Prezidente PN ne’e.

Membru Grupo Mulher Parlamentar Timor-Leste (GMPTL) ne’e subliña tan, iha tempu badak GMPTL sei halo asaun ruma, hodi kondena aktu mane sira ne’ebé la hatene respeita feto.

Kazu asasinatu ne’e, akontese iha loron 30, fulan Outubru, mais ou menus  tuku ida ho balun madrugada, iha aldeia Terra Santa, suku Madohi, postu administrativu Dom Aleixo, munisípiu Díli. Suspeitu ho inisiál LH oras ne’e daudaun kumpre hela medida koasaun prizaun preventiva husi Tribunál Distritál Díli (TDD). oct/say

Lee hotu :   PR husu IPTL hametin paz no solidariedade iha Timor-Leste

Add to Comments Here!!!!

error: Content is protected.
Secured By miniOrange
You might also like:
Rede Feto simu Xanana nia krítika hodi hadi’a-an

Rede Feto nakloke no simu krítika...

Konfrontu iha Aileu, rezulta ema na’in tolu kanek

Konfrontu entré joven sira iha aldeia...

Governu promete sei envolve feto iha prosesu dezenvolvimentu TL

Komemora loron nasionál feto iha Timor-Leste...

Close