JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MJ sei demite membru PSIK bainhira uza sala arma

MJ sei demite membru PSIK bainhira uza sala arma

Ministru Justisa (MJ), Manuel Cárceres da Costa, sei halo demisaun ba membru Polísia Sientífika Investigasaun Kriminál (PSIK) bainhira uza sala pistola ne’ebé Governu oferese.

Entantu tuir Governante ne’e, PSIK la uza pistola ne’e loro-loron no parlenta iha estrada, tanba utilizasaun ba arma ne’e bazeia ba mandadu husi Tribunál no Ministériu Públiku (MP).

“Estatutu órganika PSIK nian ne’e tutela ba iha Ministériu Justisa. Uza laloos duni sai de’it, tanba duni sai PSIK ida nia la halo rekursu ba Tribunál ida, ne’ebé sira la’ós uza kilat parlenta iha estrada, nia simu orden husi Tribunal ka husi MP dehan atu ba kaer ema kriminozu ne’e, mak foin bele lori pistola ne’e ba kaer ema ne’e. Hotu tiha mai hatama fali kedas iha Armériu. Ne’ebé iha regra empeñamentu. Kilat nia modelu 19/9mm”, MJ ne’e hafoin reuniaun Konsellu Ministru (KM), Kuarta (04/11/2020).

Cárceres konsidera imajen kilat ne’ebé tau rede sosiál Facebook ho medida naruk ka kilat boot ne’e hanesan brinquedo ida. Alénde ne’e, Governante ne’e hatete PSIK tenke proteje sira-nia-an, tanba sira la’ós ba halo investigasaun kriminál de’it, maibé sira simu mós mandadu kapturasaun husi MP ka Tribunál atu halo kapturasaun ba kriminozu sira.

“Primeiru ha’u hakarak agradese ba preokupasaun públika. Kuandu ema preokupa ho ita-nia servisu ba ha’u ne’e ema ne’e gosta ha’u nia servisu, tanba ne’e sira lakohi ha’u monu ba sala, ne’e mak sira bolu antes kedas hanesan bolu atensaun ba ministru para labele halo sala. Kilat ne’ebé ema tau iha Facebook imajen naruk ne’e ida ne’e brinquedo ida, husik ba sira tau ba, tanba sira la hatene saída mak sira ko’alia”, tenik MJ ne’e.

Nia subliña mós katak, dekretu lei númeru 15/2014 kona-bá estatutu órganika PSIK artigu 20 fó dalan ba PSIK atu lori no uza kilat. Alénde ne’e, bazeia ba mós regulamentu númeru 25/2018 PSIK nian.

“Ba kaer ema ida lori droga ne’e, ba kaer liman tanan de’it, nia hurlele fali mak PSIK no kazu ne’e lakon tiha de’it”, dehan Cárceres. oct

Lee hotu :   Governu sei la interven kazu timor-oan oho malu iha Indonézia

Add to Comments Here!!!!

error: Content is protected.
Secured By miniOrange
You might also like:
Uza veíkulu Estadu iha tempu ferias, Ekipa konjunta sei foti medida hasoru Governante balun

Ekipa konjunta kompostu husi Komisaun Anti...

Manuel Cárceres fiar suspeitu kazu Terra Santa sei hetan pena todan

Ministru Justisa (MJ), Manuel Cárceres da...

Rede Feto simu Xanana nia krítika hodi hadi’a-an

Rede Feto nakloke no simu krítika...

Close