JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PTR simu Xanana nia krítika

PTR simu Xanana nia krítika

Prezidente Tribunál Rekursu (PTR), Deolindo dos Santos, hatete, krítika Xanana nian ba setór justisa hanesan meiu ida atu hadi’ak liu tan servisu iha setór refere.

Deolindo hato’o lia hirak ne’e relasiona ho krítika líder nasionál Kaya Rala Xanana Gusmão nian ne’ebé hateten, sé suspeitu ba kazu asasinatu Terra Santa hetan de’it pena tinan ki’ik, di’ak liu taka tiha justisa iha Timor-Leste.

Tuir PTR, krítika hotu-hotu, inklui Xanana Gusmão ba setór justisa hanesan motivasaun ida atu hadi’a liu tan servisu.

“Iha ha’u-nia abitu ha’u sempre hatete katak, ha’u labele fó ha’u nia komentáriu kona-bá méritu, maibé ha’u hatene katak prosesu hirak ne’e iha média hotu-hotu ko’alia, inklui maun boot Xanana Gusmão ko’alia ida ne’e, ida ne’e fó hanoin ba operadór justisa nian atu komesa, husi Polísia, Ministériu Públiku (MP) no ba Tribunál atu servisu ho di’ak liu tan”, PTR hato’o lia hirak ne’e hafoin hasoru malu ho Primeiru Ministru (PM), Taur Matan Ruak, iha Palásiu Governu, Kinta (05/11/2020).

Nia subliña, kona-bá kazu Terra Santa MP akuza ona arguidu iha Primeiru Interogatóriu ho krime tentativa omisídiu agravadu ne’ebé previstu iha artigu 139 Kódigu Penál Timor-Leste no lei 05/2017 kona-bá krime Arma Branka.

“Ha’u fiar katak bainhira iha prosesu tama to’o tribunal sei halo julgamentu no bazeia ba faktu ne’ebé konsta iha prosesu ne’e nia laran, tanba ne’e desizaun ne’e ha’u iha prespektiva fiar katak, desizaun ne’e sei tuir buat ne’ebe iha kódigu penál ne’e rasik no nia kondenasaun ne’e sei bazeia ba faktu no nia kastigu ne’e tinan hira, orsida mak sei haree iha desizaun tuir mai, dala ida tan bazeia ba faktu no norma hirak ne’ebe iha kódigu penál”, esplika Deolindo.

Kazu asasinatu ne’e, akontese iha loron 30, fulan Outubru, mais ou menus tuku ida ho balun madrugada, iha aldeia Terra Santa, suku Madohi, postu administrativu Dom Aleixo, munisípiu Díli. Suspeitu ho inisiál LH oras ne’e dau-daun kumpre hela medida koasaun prizaun preventiva husi Tribunál Distritál Díli (TDD). oct

Lee hotu :   Paixão atribui acidentes de viação a incumprimento do código da estrada

Add to Comments Here!!!!

error: Content is protected.
Secured By miniOrange
You might also like:
Labele halo diskriminasaun subsídiu ba reklamante sira

Xefe suku Camea, Matos Costa, deklara,...

MJ sei demite membru PSIK bainhira uza sala arma

Ministru Justisa (MJ), Manuel Cárceres da...

Uza veíkulu Estadu iha tempu ferias, Ekipa konjunta sei foti medida hasoru Governante balun

Ekipa konjunta kompostu husi Komisaun Anti...

Close