JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Selebrasaun loron nasionál feto, PR Lú Olo kondena kazu krime iha Terra Santa

Selebrasaun loron nasionál feto, PR Lú Olo kondena kazu krime iha Terra Santa

Prezidente Repúblika (PR), Fransisco Guterres ‘Lú Olo’, kondena maka’as aktu krime ne’ebé hamate Domingas Soares no hakanek vítima nia oan Limdi Moy iha Terra Santa, tanba ne’e Xefe Estadu husu ba Polísia Nasional Timor-Leste (PNTL) atu prosesa la-lais prosesu investigasaun, atu nune’e autór krime ba kazu refere hetan kastigu tuir lei haruka.

“Krime hanesan ne’e labele akontese tan iha ita-nia rai Timor-Leste livre no independente. Ha’u fiar katak autoridade relevante sira sei hola medida efetivu liu tan hodi proteje feto no ema vulnerável sira iha ita-nia sosiedade”, PR ne’e iha nia mensajen ba komemorasaun Loron Nasionál Feto, loron 3, fulan Novembru, tinan ne’e.

Lú Olo mós apela ba komunidade sira atu hametin vijilánsia hodi proteje malu no nune’e taka dalan ba krime ne’ebé de’it iha ida-idak nia área no hela-fatin.

Alénde ne’e, Jestora Fundasaun Fórum Komunikasaun Juventude, Amadó Perreira, kondena maka’as aktu krime hasoru vítima Domingas Soares ho nia oan Limdi Moy,  konsidera akontesimentu ne’e sistema patriarkal mak sei domina nafatin iha Timor-Leste. Nune’e  husu ba Governu no Organizasaun Naun Governamental sira atu fo nafatin advokasia ba mane sira atu hatene respeita feto sira.

“Laiha razaun ida atu salva tan suspeitu hanesan advogadu ko’alia dehan tudik la kro’at ka seluk tan, maibé atu dehan de’it katak nia merese simu no lalika haree ba razaun saida de’it, maibé haree ba realidade ida ne’ebé akontese ona hala’i loos ba kazu ida tentativa abuzu seksuál no omisídiu ne’e, laiha tan razaun seluk no ami mós prontu atu akompaña nafatin alin ne’e agora dau-daun iha ona uma mahon balun, maibé hanesan Organizasaun Naun Govermentál (ONG), ami prontu tuir nafatin kazu ne’e”, dehan Jestora Fundasaun Fórum Komunikasaun Juventude  ne’e.

Relasiona ho atu krime iha Terra Santa ne’e, dau-daun ne’e ONG sira hanesan Rede Feto, PRADET, FOKUPERS, Fundasaun ALOLA no ALFELA, ne’ebé halao kna’ar defende direitu feto to’o oras ne’e seidauk foti posizaun ba kazu ne’e.

Iha Tersa, loron 3, fulan ne’e, Jornal Diário Nacional tenta ba to’o iha edifísiu ONG sira hanesan Rede Feto, PRADET, FOKUPERS atu husu sira-nia posizaun kona-bá kazu ne’e, maibé eskrtóriu ONG hirak sei taka hela, tanba loron feriadu.

Kazu asasinatu ne’ebé deskonfia arguidu ho inisiál LH uza tudik sona mate Domingas Soares (inan) no hakanek LimDi Moy (oan), ne’e akontese iha loron 30, fulan Outubru, tinan ne’e, mais ou menus tuku ida ho balun madrugada, iha aldeia Terra Santa, suku Madohi, postu administrativu Dom Aleixo, munisípiu Díli. oct

Lee hotu :   PNTL rejista tipu krimi 39

Add to Comments Here!!!!

error: Content is protected.
Secured By miniOrange
You might also like:
Semana oin, Governu fahe kupon ba sesta bázika iha Díli

Semana oin, Governu sei fahe kupon...

Kazu asasinatu Terra Santa, TDD aplika prizaun preventiva ba arguidu LH

Tribunál Distritál Díli (TDD) liu husi...

Governu preparadu ona ba debate OJE 2021

Primeiru Ministru (PM), Taur Matan Ruak,...

Close