JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SIK-PNTL kaptura prezidente ANC

SIK-PNTL kaptura prezidente ANC

Servisu Investigasaun Kriminál Polísia Nasionál Timor-Leste (SIK-PNTL), Kinta (26/11/2020), kaptura tan Prezidente Autoridade Nacional de Comunicações (ANC) ho inisiál JF, tanba deskonfia envolve iha fornesimentu internet ilegál husi Indonézia mai Timor-Leste.

Kapturasaun ne’e mais ou menus tuku 11 meiudia oras Timor-leste, SIK-PNTL kontinua ezekuta mandadu buska no detensaun, inklui apreensaun ho númeru NUC 0166/20 PNSIK ba Prezidente ANC ho inisiál JF, iha edifísiu Ministériu Transporte Komunikasaun (MTK) Caicoli, tanba deskonfia suspeitu JF halo koordenasaun servisu ho Diretór Elite Computer ho inisiál MS no suspeitu TVB, ne’ebé ligadu ho fornesimentu internet ilegál foti husi rede Indonézia nian, hodi fornese  ilegál ba  ministériu balun.

Iha buska ne’ebé mak SIK-PNTL hala’o foti dadus kontratu husi kompañia hamutuk 12 no kompañia haat inklui Elite Computer ne’ebé mak la rejista iha ANC.

SIK mós halo apreensaun ba laptop no dokumentu ne’ebé suspeitu JF uza hanesan dokumentu kareta espectrume ne’ebé uza atu halo kontrolu ba liña internet ilegál no total tore Telemor iha teritóriu Timor-laran no liña transmisaun internet ho lisensa, relatóriu kona-bá monitór frekuénsia internet hahú 2017 to’o Setembru 2020.

Prosesu AFP husi dokumentu 12 ne’ebé ANC rejista no publika iha website ANC nian no kompañia haat nian, dokumentu ne’ebé ANC seidauk publika iha sira-nia website no reseita ne’ebé mak ANC rekolla husi operadór Telemor durante tinan 2017 to’o tinan 2020.

Iha biban ne’e mós, servisu IT no SIK husu pergunta ba Prezidente ANC katak, “Ita boot hatene kompañia Lifetech fornese Internet ba iha Kompañia Telemor?” Prezidente ANC ne’e responde katak, nia la hatene kompañia Lifetech fornese internet ilegál ba kompañia Telemor.

SIK mós dada liña Polísia iha sala servisu Prezidente ANC, tanba dokumentu balun seidauk rekolla hotu.

Hafoin buska iha ANC, iha edifísiu MTK SIK kontinua  halo buska ba iha rezidénsia prezidente ANC iha Kampung Baru, Comoro, hodi sita (prende) kareta privadu mutin ida ho marka Terios ho nia sapa matrikula A.18-405 Timor-Leste no dokumentu seluk tan, hodi asegura hanesan evidénsia hodi aprezenta ba Ministériu Públiku (MP).

Hafoin buska, SIK kontinua lori JF mai iha edifísiu SIK iha Kuartel Jerál, hodi submete ba prosesu investigasaun.

Antes ne’e mós SIK lori suspeitu MS ba sobu liña koneksaun internet ilegál ne’ebé mak fornese husi kompañia PT Nap iha Atambua Indonézia ba iha Kompañia Elite iha Díli liu husi tore Telemor iha postu administrátivu Balibo, munisípiu Bobonaro, hodi fornese kontinua ba iha Ministériu balun.

Nune’e mós SIK lori ona suspeitu CEO Telemor ho inisiál TVB ba iha CBD 4 iha Timor-Plaza, hodi halo identifikasaun no hamate koneksaun liña transmisaun fibra ótika Entre kompañia Telemor no kompañia Elite Computer.

Suspeitu na’in tolu deskonfia envolve iha kazu fraude fiskál no burla informátika ne’ebé fó prejuÍzu ba Estadu Timor-Leste lakon osan barak. avi

Lee hotu :   Deskonfia na’ok sasán, PNTL detein ema na’in ualu

Add to Comments Here!!!!

error: Content is protected.
Secured By miniOrange
You might also like:
Ramos Horta: Kombate COVID-19 depende estratéjia ukun-nain sira

Eis Prezidente Repúblika, José Ramos Horta,...

Governu Austrália kontinua hametin relasaun ho veteranu TL

Embaixadór Austrália ba Timor-Leste, Peter Roberts,...

PM rekoñese programa Sesta Bázika la tuir promesa Governu

Primeiru Ministru (PM), Taur Matan Ruak,...

Close