JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SIK-PNTL sobu konektór liña internet ilegál husi Indonézia iha Balibo

SIK-PNTL sobu konektór liña internet ilegál husi Indonézia iha Balibo

Servisu Investigasaun Kriminál Polísia Nasional Timor-Leste (SIK-PNTL), Tersa (24/11/2020), sobu ona sistema koneksaun rede internet ilegál ne’ebé Elite Computer monta iha Balibo, hodi simu liña internet husi Atambua-Indonézia mai Balibo no mós mai Díli Timor-Leste.

SIK sobu rede internet ilegál ne’e iha foho leten postu administrativu Balibo, munisípiu Bobonaro, mais ou menus tuku 05:00 lorokraik oras Timor-Leste.

Ekipamentu sira ne’ebé mak SIK-PNTL sobu mak hanesan Microwave ida no Access Point ida ne’ebé mak kompañia Elite Computer monta iha tore kompañia telekomunikasaun Telemor nian iha kontentór ida iha Balibo.

SIK sobu mós ekipamentu Microwave no ekipamentu Swihic Metrolink, Siterouters ne’ebé liga direta rede koneksaun internet ne’ebé parte rua halo koneksaun hodi fó prejuízu ba Estadu Timor-Leste lakon osan barak.

Ekipamentu hirak ne’e, kompañia Elite Computer monta iha tinan 2019, utiliza tore Telemor hodi halo koneksaun rede internet.

Depois de sobu tiha ekipamentu hirak ne’e, SIK halo kedas apriensaun ba ekipamentu hanesan Router hirak ne’e, nu’udár evidénsia ne’ebé mak sei aprezenta ba Ministériu Públiku (MP).

Tuir observasaun GMN haree katak, durante halo identifikasaun ba tore Telemor nian hetan akompañamentu husi Manager Technical kompañia Telemor munisípiu Bobonaro, Jaime Soares, ne’ebé durante neé halo servisu kontribui ba tore rede internet partensia ba munisípiu Bobonaro.

SIK-PNTL detein jestór Elite Computer no Telemor

Nune’e mós Servisu investigasaun Kriminál Polísia Nasional Timor-Leste (SIK-PNTL), Tersa (24/11/2020), mais ou menus tuku 10:30 dadersaun halo buska ba sala sistema sentrál kompañia Elite Computer nian iha Kolmera, Díli, hodi hakotu liña internet ba ministériu balun, inklui ba Komando Jerál PNTL no mós detein jestór prinsipál Elite Computer no mós jestór Telemor.

Iha fatin refere, ekipa SIK hamutuk ho Unidade Teknolójia Informátika deteta koneksaun rede fibra ótika husi Elite Computer ne’ebé liga ba kompañia Telemor no mós ligasaun internet ba ministériu balun, inklui ba Komando Jerál PNTL.

Hafoin halo buska, ekipa ne’ebé diriji husi Komandante SIK, Superintendente Xefe, José Neto Moc, deside hakotu rede internet no rekolla dadus kliente sira ne’ebé durante ne’e hetan fornesimentu internet husi Elite Computer.

Buska ne’ebé SIK halo, kontinua prosesu kapturasaun no detensaun ba jestór prinsipál kompañia Telemor ho inisiál TVB no kompañia Elite Computer ho inisiál DP, tuir despaixu husi Tribunál Distritál Díli (TDD).

Iha Segunda (23/11/2020) lorokraik, ekipa SIK kaptura suspeitu TVB iha edifisiu Telemor nian, Timor Plaza CBD andar 3 no iha loron hanesan kaptura mós DP iha nia servisu fatin Kolmera, Díli.

Ministériu Públiku (MP) akuza suspeitu TVB no DP komete kazu burla informátika no fraude fiskál, tanba servisu hamutuk hodi fornese rede internet ilegál ba Governu no mós ba PNTL. avi

Lee hotu :   Suspeitu CA oho fen no hakanek nia feto foun

Add to Comments Here!!!!

error: Content is protected.
Secured By miniOrange
You might also like:
Abrão Filipe subtitui Koordenadór Seguransa Alex Samurai

Liu husi Koordenasaun entre PN ho...

Arsénio Bano rejeita “maltrata” hasoru komandu PNTL Oe-Cusse

Prezidente Autoridade Rejiaun Administrativa Espesiál Oe-Cusse...

MKAE rejeita informa polémika sosa produtu husi loja Andy

Ministru Koordenadór Asuntu Ekonómiku (MKAE), Joaquim...

Close