JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Uza veíkulu Estadu iha tempu ferias, Ekipa konjunta sei foti medida hasoru Governante balun

Uza veíkulu Estadu iha tempu ferias, Ekipa konjunta sei foti medida hasoru Governante balun

Ekipa konjunta kompostu husi Komisaun Anti Korupsaun (KAK), Komisaun Funsaun Públika (KFP), Inspesaun Jerál Estadu (IJE), ho Provedoria dos Direitos Humanos e Justiça (PDHJ), dau-daun ne’e elabora relatóriu sira, relasiona ho membru Governu balun ne’ebé utiliza veíkulu Estadu, fora husi interese Estadu nian.

Ho asuntu ne’e, Adjuntu Komisáriu KAK ba Asuntu Prevensaun no Sensibilizasaun, Luís Oliveira Sampaio, hateten, ekipa ba fiskalizasaun rekolla hela informasaun hamutuk, molok foti medida ruma ba membru Governu balun, ne’ebé uza veíkulu Estadu durante tempu ferias, wainhira identifika laiha despaixu sirkular.

“Ida ne’e mak preokupasaun no reajen públiku nian, tanba tuir lei númeru 08/2003 fó atribuisaun ba membru Governu, Diretór Nasionál, Diretór Jerál, Diretór servisu relevante sira, administradór munisípiu sira ka prezidente autoridade sira atu uza de’it veíkulu Estadu nian ba fins profisionál, labele liu husi ida ne’e. Maibé iha prátika ne’ebé ita akompaña dau-dauk ne’e iha membru ka pesoál ka oknum lubuk ida mak kontinua la rona orientasaun ka sirkular ne’ebé mai husi ekipa konjunta fiskalizasaun nian, entaun ekipa sei koordena, tanba iha sirkular ne’e define klaru medida sira ne’ebé sei foti, kabe ba KFP atu haree sasan sira ne’e, atu trata halo nusa? bele mós bolu individu sira ne’e atu aplika sansaun disiplinar, depende grau involvimentu nian no mós bele konsidera hanesan krime pekulatu”, Adjuntu Komisáriu KAK ba Asuntu Prevensaun no Sensibilizasaun ne’e ba GMN iha nia kna’ar fatin, Praia dos Coqueiros, Díli Kuarta (04/11/2020).

Komisáriu KFP ba asuntu disiplinar, Fausto Freitas “Liu-Rai Tasi”, esplika, membru Governu sira utiliza kareta Estadu laiha autorizasaun, mak Ministériu Públiku (MP) sei halo investigasaun tuir lei ne’ebé vigora no ba funsionáriu sira ne’ebé uza veíkulu laiha autorizasaun sei hetan sansaun, represaun eskritu, suspensaun atividade no demisaun.

“Hanesan foin dau-dauk finadu ami fó sai iha Comoro, iha ne’ebá dehan katak, labele uza patrimóniu Estadu iha loron ne’ebé que la’ós servisu nian, la’ós oras ne’ebé que ita servisu, entaun ami hanesan komisáriu, sira-nia kareta hotu mai para iha KFP, nune’e mós ministru sira ka sé de’it mak uza patrimóniu Estadu tenke para hotu, sé uza fora de orário serviço tenke iha autorizasaun ou interese Estadu, labele interese privadu, ami-nia ekipa kontrola, ami-nia ekipa iha dadus sé-sé mak lori sai kareta Estadu sei iha prosesu ne’e labele para iha ne’e, sé mak uza kareta Estadu la’ós ba interese Estadu, maibé ba fali finadu, ba pasiar sei iha prosesu nunka bele para iha ne’e”, tenik Komisáriu KFP ba Asuntu Displinar ne’e.

Entretantu tuir dekretu lei númeru 08/2003 ko’alia kona-bá regulamentu atribuisaun uzu veíkulu Estadu ne’e, presiza halo atualizasaun, tanba lei ne’e rasik la deskreve ninia sansaun, maibé orienta de’it jestór sira. san

Lee hotu :   Konfrontu iha Aimutin, rezulta ema ida mate no nain rua kanek ■ Polísia detein ona suspeitu nain haat

Add to Comments Here!!!!

error: Content is protected.
Secured By miniOrange
You might also like:
Manuel Cárceres fiar suspeitu kazu Terra Santa sei hetan pena todan

Ministru Justisa (MJ), Manuel Cárceres da...

Rede Feto simu Xanana nia krítika hodi hadi’a-an

Rede Feto nakloke no simu krítika...

Konfrontu iha Aileu, rezulta ema na’in tolu kanek

Konfrontu entré joven sira iha aldeia...

Close