JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana Gusmão: Tribunál labele aplika pena prizaun tinan ki’ik ba autór kazu Terra Santa

Xanana Gusmão: Tribunál labele aplika pena prizaun tinan ki’ik ba autór kazu Terra Santa

Líder nasionál, Kay Rala Xanana Gusmão, husu ba tribunál atu labele aplika prizaun tinan ki’ik ba autór kazu Terra Santa ne’ebé oho Domingas Soares, tanba defende ninia oan feto husi atentadu violasaun seksuál.

“Oho inan defende oan, agora ema ida asasinu ne’e nia fen polísia, ne’e duni hau la permite katak, husik kedas ema ne’ebé ligadu ho polísia bele akontese problema hanesan ne’e, tanba ha’u mai haree kedas matebian ka vítima ne’e sona ho tudik dala hitu (7), labarik atu defende halo nia liman kanek tan, sona tan nia kotuk ida ne’e mak karik justisa fó de’it tinan ida di’ak liu taka justisa iha Timor. Justisa la’o la di’ak ita sei hadi’a justisa, sé polísia la’o la di’ak hasa’i tiha polísia ne’e tau ema foun, tanba ita presiza justisa la’o ho di’ak polísia ne’ebé defende, la’ós polísia ba fali proteje fali KORK, PSHT, ne’e la di’ak povu tenke moris ho seguransa. Tanba ida ne’e la fó liu garantia ba populasaun atu moris ho seguransa, ne’e duni ha’u husu boot ba polísia investigasaun atu investiga di-di’ak, labele haree ba ida sé ida ne’ebá, sé la’e justisa tenke halo ha’u mai atu proteje labarik ne’e ba uma mahon”, Líder nasionál hato’o lia hirak ne’e ba GMN, hafoin observa fatin akontesimentu iha aldeia Terra Santa, suku madohi, postu administrativu Dom Aleixo, munisípiu Díli.

Prezensa líder karismátiku ne’e, hodi observa diretamente lokál akontesimentu omisídiu hasoru Domingas Soares no sona kanek matebian nia oan feto, LimDi Moy nia liman parte karuk, ne’ebé deskonfia envolve direta husi arguidu LH.

Tuir Xanana Gusmão nia haree, iha matebian nia uma nota katak, ran ne’ebé fakar no maran ona iha vítima nia uma-laran no sai mai liur ba liu iha suspeitu nia uma, ran balun belit hela iha suspeitu nia moru uma, hatudu evidénsia ne’ebé forte katak LH mak oho.

Tanba ne’e, nia husu ba Polísia Sientífiku Investigasaun Kriminál (PCIC-Sigla Português) atu investiga di-di’ak kazu ne’e.

Eis Prezidente Repúblika ba períodu 2002–2007 ne’e hateten, wainhira desizaun Tribunál ba suspeitu kazu asasinatu oho inan feton ne’ebé defende nia oan feto ne’e mak laloos, di’ak liu taka Ministériu Justisa (MJ) no Tribunál, tanba órgaun judisiál ne’e la garante no proteje sidadaun hotu atu moris seguru.

Xanana Gusmão, konsidera justisa iha Timor-Leste presiza hadi’a, tanba desizaun sira iha tribunál  sei kahur ho interese privadu no organizasaun arte marsiál balun.

Líder karismátiku mós apela ba instituisaun polísia ho nia membru sira atu fó seguransa no proteje povu Timor-Leste, la’os lori naran polísia ba proteje fali organizasaun arte marsiál.

Nune’e mós, família vitíma, Alexandre Pires, informa, suspeitu ne’e tama husi vítima nia janela, nune’e iha tuku 01:30 nia atu tama ba kuartu hodi na’ok, hasoru loos matebian nia oan feto iha odamatan oin no suspeitu taka metin nia oan ne’e nia ibun, hafoin nia inan hader mai hodi rasta suspeitu no haruka kedas nia oan hala’i tama ba kuartu laran, maibé nia oan kanek tiha ona iha nia liman parte karuk no kaba’as.

Nune’e matebian ho suspeitu rasta malu iha uma klaran ne’e, maibé suspeitu kala forte liu vítima ne’e hodi sona borus, hafoin sente labele hodi monu, hafoin sona tan halo kuak hitu (7).

Entretantu kazu ne’e, Tribunál Distritál Díli (TDD) liu husi prosesu Primeiru Interogatóriu, iha Domingu foin la-lais ne’e aplika medida koasaun prizaun preventiva ba arguidu LH ne’ebé deskonfia envolve direta iha kazu asasinatu ne’ebé akontese iha loron 30, fulan Outubru ne’e, iha aldeia Terra Santa, suku Madohi. tos

Lee hotu :   Laiha dalan kondena ema defama PR iha MedSos

Add to Comments Here!!!!

error: Content is protected.
Secured By miniOrange
You might also like:
PR Lú Olo konsidera Governu seidauk valoriza feto

Prezidente Repúblika (PR), Francisco Guterres ‘Lú...

Quase metade dos doentes timorenses com VIH-SIDA sem tratamento

Cerca de 48% dos atuais doentes...

Selebra loron nasionál feto, GMPTL sei realiza atividade doasaun ran no feira

Grupo Mulher Parlamentar Timor-Leste (GMPTL) sei...

Close