JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Deskonfia iha relasaun kazu internét ilegál, TDD aplika TIR ba prezidente ANC

Deskonfia iha relasaun kazu internét ilegál, TDD aplika TIR ba prezidente ANC

Tribunál Distrtál Díli liu husi desizaun prosesu Primeiru Interogatóriu (PI), aplika medida koasaun Termu Identidade Rezidénsia (TIR) ba Prezidente Autoridade Nacional de Comunicações (ANC) ho inisiál JOF, tanba deskonfia iha relasaun ho kazu utilizasaun internét ilegál iha Elite Computer no Telemor.

Advogadu Privadu, Manuel Tilman, hateten, tribunál nia intendimentu akuzasaun Ministériu Públiku (MP) hasoru arguidu la priense elementu krime, tanba laiha prova ne’ebé sufisiente.

Maibé Advogadu ne’e fundamenta, kazu ne’e rasik mezmu iha prosesu PI, tribunál aplika ona medida koasaun TIR, maibé iha prosesu balun sei iha faze investigasaun.

“Antes de ida ne’e ha’u mós ta’uk hela, karik ba duni kadeia mak ha’u husu TIR domisiliáriu, ida ne’e la’e TIR jerál, ita hein katak nia kuandu sai husi Díli ka atu ba fatin ruma tenke aviza ba Polísia. Korupsaun pasiva ne’e tanba de’it deklarasaun ida husi dia anterior dehan katak fó 15 mill dollar ba buatamak ida atu lori ba fó ANC, ba fó iha sé, agora buatamak ida ne’e mós sé, agora la identifika ida, alega de’it hodi prende tiha fali ema seluk, ema rua seluk ba tiha kadeia ne’e atu lori tan ha’u nian ba kadeia ka”, Advogadu Privadu ne’e hafoin remata interogatóriu iha TDD, Mandarin-Díli, Segunda (30/11/2020).

Tuir Tilman, MP ne’ebé na’in ba asaun ne’e nafatin esforsu rekolla prova sira, hodi aprezenta fali iha julgamentu normál.

MP akuza arguidu ho krime haat mak hanesan Burla Informátika Agravada previstu iha artigu 269, Fraúde Fiskál previstu iha artigu 314, Korupsaun Pasiva ba aktu ilísitu previstu iha artigu 292 no krime Administrasaun Danoza previstu iha artigu 274, hotu-hotu husi Kódigu Penál Timor-Leste.

Arguidu JOF, Servisu Investigasaun Kriminál (SIK) halo dentensaun, tanba deskonfia iha koordenasaun servisu ho arguidu TVB nu’udár jestór prinsipál Telemor nian no arguidu DP nu’udár diretór iha empreza Elite Computer utiliza ekipamentu Mikro Ondas iha tore telekomunikasaun Telemor iha Balibo-Bobonaro, hodi simu rede internet husi Atambua-Indonézia ilegalmente, hodi fornese ba liña ministeriál sira, inklui instituisaun PNTL rasik.

Prosesu PI ne’e prezide husi Juíza, Ercília da Silva, MP reprezenta husi Prokuradór, Matias Soares no arguidu hetan asisténsia legál husi Advogadu Privadu, Manuel Tilman. san

Lee hotu :   Komisaun konjunta investiga problema entre F-FDTL-PNTL iha finadu

Add to Comments Here!!!!

error: Content is protected.
Secured By miniOrange
You might also like:
Evita inséndiu, SEA husu empreza sira halo jestaun ba armazén

Sekretáriu Estadu Ambiente (SEA), Demétrio Amaral...

Kazu omisídiu iha Taibessi, PNTL sei kaptura suspeitu LS

Polísia Nasionál Timor-Leste (PNTL) promete sei...

KE-KSDS apoia PR kontinua aplika EE daualu

Prezidente Repúblika (PR), Francisco Guterres “Lú...

Close