JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Deskonfia polísia tiru kanek mane ida iha Comoro

Deskonfia polísia tiru kanek mane ida iha Comoro

Deskonfia membru Polísia Nasionál Timor-Leste (PNTL) tiru Alexandre da Cruz iha área Ponte Comoro III, Díli, nune’e rezulta kanek todan iha parte kakorok.

Tuir vítima katak, kazu ne’e akontese iha Kuarta (09/12/2020), mais ou menus tuku 09:00 kalan oras Timor-Leste.

Vítima ne’e hetan tiru iha kakorok parte loos no borus mai liman karuk. Hafoin akontese kazu ne’e vítima transporta kedas ba Hospital Nacionál Guido Valadares (HNGV), maibé doutor sira labele suku isin kanek ne’e, tanba konsidera kanek grave.

Tanba ne’e, doutor sira uza ligadura taka de’it vítima nia isin kanek, hafoin haruka fila-fali mai ninia família sira-nia rezidénsia iha Luru-Mata, Díli.

Vítima Alexandre  da Cruz, hateten, nia komunidade husi husi postu admimistrativu Zumalai, munisípiu Covalima, wainhira mai partisipa iha serimónia funébre mestre husi grupu organizasaun ida, hafoin fila hetan asaltu husi grupu balun, hodi tuda kanek nia kolega na’in tolu. Tanba ne’e nia mós atu ajuda lori vítima na’in tolu ne’e, maibé vítima nia mós hetan tiru husi membru PNTL ida.

Tanba ne’e vítima husu ba Komando PNTL atu foti desizaun ruma ba aktu krime ne’ebé mak envolve husi membru PNTL ne’e.

“Hafoin ne’e polísia iha fatin refere tiru gas lakremujéniu, depois polísia ida hasee ha’u “hoi ida ne’ebá ne’e tama laran, entaun ha’u hatán, entaun ha’u para motor tama ba laran, polísia langsung tiru kedas. Tiru tiha ha’u kaer ha’u nia kakorok ran la sai, depois ha’u la’o uitoan to’o iha ema nia uma oin sente labele ona, entaun ha’u mós toba tun haree ran sorin-sorin sulin, faru sira ran hotu ona, depois ha’u haruka labarik sira haree oi kanek todan, tanba kanek borus, la kleur polísia ne’e sai mai iha fatin akontesimentu, entaun ha’u mós hamri’ik besik kedas maun polísia ne’e, ha’u dehan maun ohin imi tiru ne’e mak ha’u kanek ne’e, polísia ne’e haree tiha kanek ne’e dehan ai la’e, ne’e la’ós tiru, maibé kanek ne’e kaleng mak ko’a, sé la’e besi beton, ha’u responde dehan ohin ha’u la tama ba ema nia uma leet ruma”, esplika vítima ne’e ba GMN, iha Luru-Mata, Díli.

Vítima Alexandre  da Cruz ne’e mós promete sei hato’o keixa ba Servisu Investigasaun Kriminál (SIK), Provedoria Direitos Humanos e Justiça (PDHJ), Parlamentu Nasionál (PN) no Asosisaun HAK. avi

Lee hotu :   Xanana Gusmão: Tribunál labele aplika pena prizaun tinan ki’ik ba autór kazu Terra Santa

Add to Comments Here!!!!

error: Content is protected.
Secured By miniOrange
You might also like:
PNTL detein grupu organizadu na’ok motorizada iha Díli

Polísia Nasionál Timor-Leste (PNTL) Díli detein...

Distribui sasán sesta bázika fuhuk no ular, CAC detein jestór Díli Mart no Diretora MTCI

Comissão Anti Corrupção (CAC) iha Kinta...

PR atribui premiu Sergio Vieira de Mello ba sidadaun na’in haat no ONG ida

Prezidente Repúblika (PR), Fransisco Guterres “Lú...

Close