Konfrontu iha Camea, rezulta mane ida hetan ta’a

Konfrontu entre komunidade iha aldeia Has-Laran, suku Camea, postu administrativu Cristo Rei, rezulta ema ida hetan kanek, tanba kona ta’a ho katana.

Konfrontu ne’e akontese iha Domingu (30/11/2020) mais ou menus tuku 01:30 madrugada oras Timor-Leste.

Tuir informasaun no kronolójia akontesimentu ne’ebé Polísia rekolla husi vítima Anacleto Guterres, antes ne’e nia haree suspeitu na’in rua tuda nia uma. Tanba ne’e vítima hakbesik-an hodi husu tuir ba suspeitu na’in rua, maibé suspeitu na’in rua ne’e husu vítima atu baku malu fali.

Ho barani vítima hakat sai ba estrada no suspeitu sira konvida nia kolega barak hodi ataka lisuk vítima no vítima nia ulun hetan ta’a husi suspeitu sira ho katana.

Husi akontesimentu ne’e, Polísia kaptura suspeitu na’in haat hodi ba detein iha sela detensaun Caicoli-Díli durante oras 72, molok aprezenta ba iha Primeiru Interogatóriu iha Tribunál Distritál Díli (TDD).

Suspeitu na’in haat ne’e ho inisiál AS, TK, CG no JP. Tuir lei númeru 5/2017, arma branka bandu ema kaer sasán kro’at hodi hakanek no habadak ema seluk ninia vida. avi