Membru PNTL ualu hetan demisaun

Komandante Jerál Polísia Nasional Timor-Leste (PNTL) Komisáriu Faustino da Costa, hateten, iha tinan 2020, PNTL hala’o ona demisaun ba nia membru na’in ualu.

Faustino da Costa hateten, membru PNTL na’in ualu ne’ebé mak hetan demisaun,tanba  abondona servisu no balun involve  iha grupu artemarsiáis.

“Ha’u hakarak dehan prosesu hotu la’o hela, iha 2020 ne’e  ita demiti ona que nia membru na’in 8 no prosesu balun kontinua la’o hela. Agora depende rezultadu investigasaun inkretu  ne’ebé  mak iha kuandu balun rezulta ba to’o  iha demisaun  ita sei implementa ida ne’e , kuandu too iha parte ida atu suspende nia aktividade  ou hases a’an husi nia funsaun  ne’e mak Komando sei avália”, esplika Komandante Jerál PNTL Komisáriu da Costa, ba jornalista sira Sesta (18/12/20), iha Gor Maliana.

Faustino da Costa dehan, membru sira ne’ebé hetan demisaun la’os ajenti de’it, maibé PNTL.

“Iha ne’e ha’u la’os dehan tanba artemarsiáis iha kazu lubuk, hanesan ohin ha’u temi na’in  hira ami identifika tiha ona la’os artemarsiáis. Balun  dala ruma haluha a’an núdar Polísia balun avondona servisu, ne’ebé ita halo demisaun, sei iha kazu balun ita prosesu hela, liga ba membru instituisaun halo ida ne’e prosesu la’o hela”,dehan Faustino da Costa.

Kona-ba membru PNTL ne’ebé mak fasilita, membru Persaudaran Setia Hati Terate  ba hasae sintu iha Atambua Indonézia,   Faustino da Costa hateten, prosesu investigasaun sei la’o hela.avi