JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MJ-BCTL asina protokolu kombate krime finansiamentu terorizmu

MJ-BCTL asina protokolu kombate krime finansiamentu terorizmu

Ministériu Justisa (MJ) liu husi Direcção Geral Serviços Registo Notariado (DGSRN) ho Unidade Informasaun Finanseira Banco Central de Timor-Leste (BCTL) asina protokolu kooperasaun kona-bá kombate krime brankeamentu kapitál no finansiamentu terorizmu iha Timor-Leste.

Diretora Ezekutiva Unidade Informasaun Finanseira BCTL, Maria de Jesus Sarmento, hateten, kooperasaun ne’e foka liu ba materia prevensaun no kombate krime brankeamentu kapitál no finansiamentu terorizmu, tanba krime rua ne’e sai ameasa ba estabilidade finanseira nasaun nian.

“Krime rua ne’e ohin loron sai ameasa transnasionál ne’ebé boot no mós akontese loron ba loron, no ida ne’e afeta ba nasaun sira nia estabilidade finanseira no sai hanesan koloka risku ba estabilidade finanseira no mós risku ba reputasaun ba nasaun sira hanesan Timor Leste, bainhira ita la kumpre padraun internasionál no la adopta rejime jurídiku nasionál, ita laiha meius para halo prevensaun no kombate brankeamentu kapitál no finansiamentu terorizmu”, Diretora Ezekutiva Unidade Informasaun Finanseira BCTL ne’e ba jornalista sira iha salaun auditóriu MJ, Caicoli-Díli, Kinta (17/12/2020).

Diretór Jerál Servisu Rejistu Notariadu, Crisógono da Costa Neto, akresenta, kooperasaun ne’e nu’udár meius ida atu apoiu dadus ruma no kombate krime brankeamentu kapitál no finansiamentu terorizmu iha teritóriu nasionál.

“Informasaun ne’ebé mak DGSRN abanbainrua karik Unidade Informasaun Finanseira deteta aktu ruma ka krime ruma ne’ebé relasiona ba brankeamentu kapitál, ami fornese no informasaun sira ne’e ami fiar katak Unidade Informasaun Finanseira asegura informasaun sira ne’e ba efeitu investigasaun no ba asuntu brankeamentu kapitál. Tanba ida ne’e mak ita halo servisu sira ne’e, ita halo kooperasaun hanesan baze de dadus”, tenik Crisógono.

Enkuantu akordu kooperasaun ne’e bazeia mós ba lei númeru 17/2017, ne’ebé regula kona-bá rejime jurídiku prevensaun kombate brankeamentu kapitál no finansiamentu terorizmu, ne’ebé hatúr iha BCTL, hodi simu relatóriu no análiza transaksaun suspeita, hafoin submete rezultadu ba Ministériu Públiku (MP). san

Lee hotu :   Falta loron 6, TR seidauk simu lista kandidatura ParPol

Add to Comments Here!!!!

error: Content is protected.
Secured By miniOrange
You might also like:
SIK-SIP detein suspeitu na’ok prokuradór nia sasán

Servisu Investigasaun Kriminál (SIK) no Servisu...

Udan hapara diálogu PR Lú Olo ho povu Baucau

Relasiona ho vizita traballu ne’ebé Prezidente...

Selebra loron Natal-Tinan Foun, PNTL ho PM sei la tolera kriminozu

Polísia Nasionál Timor-Leste (PNTL) ho Polísia...

Close