JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PDHJ sei submete auto notísia ba MP kona-bá kazu Lacluta

PDHJ sei submete auto notísia ba MP kona-bá kazu Lacluta

Relasiona ho aktu membru Polísia Nasionál Timor-Leste (PNTL), Komandu Polísia Munisípiu Viqueque, postu administrativu Lacluta, ne’ebé halo atuasaun ho fíziku hasoru benefisiáriu ne’ebé sunu materiál sesta bázika foin la-lais ne’e.

Provedora Direitos Humanos e Justiça (PDHJ), Jesuína Maria Fereira Gomes, kondena maka’as aktu violentu ne’ebé membru PNTL halo hasoru sidadaun ne’e, tanba konsidera viola direitu umanu no kontra dekretu lei rejime jurídiku uza forsa, nune’e PDHJ sei submete auto notísia ba Ministériu Públiku (MP), atu nune’e prosesa kazu ne’e tuir dalan legál.

“Atuasaun membru PNTL iha Lacluta ne’e violasaun ba direitu umanu, liu-liu liga ba iha direitu ba liberdade seguransa no integridade, tanba halo agresaun fíziku uza forsa esesiva ne’ebé que la tuir lei”, Jesuína Maria Fereira Gomes, hafoin sai oradór ba selebrasaun loron mundiál ba ema ho defisiénsia, iha Centro Convenções de Díli (CCD), Kinta (03/12/2020).

Dau-daun ne’e PDHJ koopera ho autoridade lokál rekolla informasaun no dadus kona-bá akontesimentu ne’e, elabora auto notísia hodi submete ba Ministériu Públiku (MP), nune’e prosesa kazu ne’e tuir dalan legál.

“Atuasaun membru PNTL sira tenke uza prinsípiu proporsionalidade no nesesáriu, haree katak saída mak akontese, saída mak atu halo no oinsa mak atu uza forsa, maibé ita haree liu husi média sira ne’ebé fó sai, laiha grau ameasa ida ba iha membru PNTL sira, maibé sira-nia atuasaun ne’e uza forsa ne’ebé esesivu, tebe, tuku, tanba ne’e mak PDHJ sei foti ninia inisiativa para halo investigasaun ba iha atuasaun ne’e”, akresenta Provedora ne’e.

Iha sorin seluk, Diretór Ezekutivu Fundasaun Mahein (FM), João Almeida, konsidera, atuasaun membru PNTL ne’e la tuir regra polísia nian no tuir loloos Polísia halo identifikasaun de’it.

“Loloos Polísia tenke halo identifikasaun, Polísia la’ós juíz atu halo fali desizaun mes-mesak iha terenu katak ema ne’e sala. Seidauk submete ba investigasaun Polísia halo tiha ona konkluzaun katak ema ne’e sala. Polísia nia obrigasaun atu halo identifikasaun, hodi submete ba investigasaun”, afirma João Almeida.

Tanba ne’e, Diretór Ezekutivu FM ne’e, husu ba parte kompetente atu loke investigasaun hasoru membru polisia ne’e, atu prosesu tuir dalan legál.

“Sunu sasán ne’e krime, halo agresaun mós krime, tanba ne’e ita husu atu halo investigasaun ba kazu ne’e, alende kazu ne’ebé Polísia Nasionál Timor-Leste (PNTL) lidera investigasaun kazu danu ida ou sunu sasán sesta bázika, mais tenke halo mós investigasaun ba elementu ne’ebé halo agresaun hasoru sidadaun ne’ebé deskonfia envolve iha kazu ida ne’e”, realsa João Almeida.

Enkuantu tuir dekretu lei númeru 43/2011 kona-bá rejime jurídiku uzu forsa, deskreve ámbitu aplikasaun, atuasaun uza forsa wainhira iha asaun ne’ebé grave, manifestasaun no atividade ne’ebé ho agresaun maka’as hasoru pesoál balun no kualker autoridade ka grupu. san

Lee hotu :   Uza kareta sama bandeira RDTL, PNTL detein sidadaun Filipina na’in tolu

Add to Comments Here!!!!

error: Content is protected.
Secured By miniOrange
You might also like:
PUDD ezije Governu halo Rapid Test Antibody ba komunidade

Xefe bankada PUDD, António de Sá...

Suspeitu asalta kareta espoza PM, Detein oras 72 hodi aprezenta ba TDD

Suspeitu na’in haat ne’ebé asalta kareta espoza...

FRETILIN-CNRT hakfodak kazu COVID-19 iha TL mosu kada fulan

Parlamentu Nasionál (PN) hakfodak ho Timor-Leste...

Close