PNTL kaptura autór prinsipál oho Ernesto iha merkadu Taibessi

Polísia Nasionál Timor-Leste (PNTL) kaptura ona autór prinispál ho inisiál LS ne’ebé sona mate Ernesto dos Santos iha merkadu Taibessi-Díli, inklui suspeitu fasilitadór subar autór iha Atsabe-Ermera.

Iha Sesta (11/12/2020) PNTL liu husi Servisu Informasaun husi kontijénte jerál kaptura  ona suspeitu ho inisiál LS, ne’ebé nu’udár autór prinsipál sona mate vítima Ernesto dos Santos no suspeitu ida tan ho inisiál BG, nu’udár fasilitadór lori autór LS husi Hauba, munisípiu Bobonaro ba subar iha Atsabe, munisípiu Ermera.

Hafoin kaptura suspeitu rua ne’e, polísia transporta kedas mai iha Kuartel Jerál PNTL, hafoin entrega ba Servisu Investigasaun munisípiu Díli, hodi detein iha sela detensaun Caicoli-Díli.

Kazu omisídiu ne’e akontese iha Sabádu (28/10/2020), mais ou menus tuku 12:45 madrugada oras Timor-Leste, iha estasionamentu merkadu Taibessi.

Entretantu tuir lei númeru 5/2017, arma branka bandu ema kaer sasan kro’at, hodi hakanek ema nia isin-lolon no habadak ema nia vida. avi