PNTL rekolla motorizada sia husi grupu NAKROMA

Polísia Nasionál Timor-Leste (PNTL) rekolla ona motorizada sia (9) ne’ebé deskonfia na’ok husi suspeitu na’in tolu husi grupu Na’ok Ten Rona Malu (NAKROMA).

Antes ne’e iha Kinta (10/11/2020) PNTL kaptura suspeitu na’in tolu ho inisiál JDX, JDCP, GDA, iha Casanafar, munisípiu Díli, tanba deskonfia sira na’ok motorizada hamutuk haat (4) iha kapitál Díli.

Hafoin ne’e suspeitu na’in tolu submete ba prosesu investigasaun, ikus mai suspeitu na’in tolu ne’e deskobre sai ba polísia motorizada sira seluk ne’ebé sira na’ok, nune’e PNTL rekolla ona motorizada hamutuk sia (9) no dau-daun ne’e asegura hela iha Kuartel Jerál PNTL, Caicoli-Díli.

Entretantu tuir informasaun husi polísia, posibilidade suspeitu sira sei hatudu tan motorizada hirak ne’ebé sira na’ok iha Díli, ba fa’an iha munisípiu sira. avi