JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR atribui premiu Sergio Vieira de Mello ba sidadaun na’in haat no ONG ida

PR atribui premiu Sergio Vieira de Mello ba sidadaun na’in haat no ONG ida

Prezidente Repúblika (PR), Fransisco Guterres “Lú Olo”, atribui premiu Direitu Umanu Sergio Vieira de Mello ba sidadaun na’in haat no Organizasaun Naun Governamental (ONG) ida.

Premiu ne’e fó liu husi Dekretu Prezidente Repúblika númeru 71/2020, 10 de Dezembro, PR Lú Olo iha Kinta (10/12/2020) atribui premiu Direitu Umanu “Sergio Vieira de Mello” edisaun 13 ba manan-na’in na’in-lima. Tuir komunikadu ba  imprensa husi Casa Civíl prémiu direitu umanu ba tinan ne’e iha kategória Direitu Sosiál Ekonómiku no Kulturál manan husi Cosme dos Santos Freitas, Padre Martino António Pablo Abad Santos, S.J, Deolindo da Costa no Leopoldina Joana Guterres. Manan-na’in ba kategória Direitu Sivíl no Polítiku mak ONG FOKUPERS.

“Señora Leopoldina Joana Guterres, profesora ida ne’ebé iha neon nakloke hala’o atividade oi-oin hamutuk ho komunidade, liu-liu iha área rurál sira, atu hasa’e kreatividade no empreendedorizmu. profesora Leopoldina Joana Guterres halo esforsu maka’as atu haburas komunidade ninia neon kona-bá oinsa atu uza rekursu naturál ho domin no respeitu. Hamutuk ho ninia kaben saudozu João Tadeu Gusmão no ho apoiu husi belun Australianu, Andrew Mahar husi Xpand Foundation no husi ema seluk tan harí Fundasaun “HO MUSAN IDA” iha Baguia. Servisu ida ne’e halo hamutuk ho komunidade subsisténsia agrikola atu kuda fila-fali ai-horis iha ai-laran ka kintál laran, hodi kapta dióksidu karbonu ne’ebé hafo’er ambiente no liu husi prosesu naturál, ai-hun sira ne’e rai karbonu no husik sai oksijéniu, gaz ida ne’ebé mantein ambiente saudável”, hateten PR iha nia diskursu durante serimónia ne’ebé hala’o iha Palásiu Prezidensiál, Bairro Pite, Díli.

Razaun PR atribui premiu Sergio Vieira de Mello ba manán-na’in na’in-lima ne’e, tanba iha tinan barak nia laran sira hala’o servisu defende promove no divulga direitu umanu iha Timor-Leste. Serimónia atribuisaun premiu Sergio Vieira Mello ne’e hala’o iha ámbitu loron internasionál ba direitu umanu, iha 10 de Dezembro. Premiu ne’e dedika ba sidadaun no organizasaun sira ne’ebé promove defende no divulga direitu umanu iha Timor-Leste. Kada manán-na’in sei hetan premiu ho valór USD 10.000.

“Organizasaun FOKUPERS hatudu ona ninia prestasaun servisu ho kualidade. Servisu sira balun inklui fó asisténsia ba vítima feto no labarik sira, halo kampaña atu hametin kultura dame no laiha violénsia, hametin igualdade jéneru ho hakbi’it feto sira. Espesifikamente FOKUPERS ninia atividade sira balun ligadu ho igualdade jéneru, kampaña kona-bá direitu umanu en-jerál ba feto no labarik sira, proteje vítima violénsia doméstika no fó asisténsia bazeadu ba jéneru, tau matan ba vítima violénsia dómestika no fó asisténsia ba feto sira hodi hadi’ak no aumenta sira-nia rekursu ekonomia. FOKUPERS sai ona mahon ba feto no labarik sira iha tempu susar no reafirma nafatin ninia kompromísu atu kontinua ninia atividade sira”, tenik Xefe Estadu ne’e.

Anualmente, PR Lú Olo loke oportunidade ba Timor-oan no estranjeiru husi ONG sira atu hatama sira-nia kandidatura ba premiu Direitu Umanu “Sergio Vieira de Mello” tuir kritériu sira ne’ebé estabelese. Prosesu verifikasaun ba kandidatu sira halo husi Conselho de Agraciamento e Ordem Honoríficas.

Avaliasaun halo liu husi vizita ba fatin implementasaun atividade husi kandidatu sira no ikus mai órgaun konsultiva ne’e sei hato’o ba PR atu deside manán-na’in ba premiu. Premiu Direitu Umanu ne’e hahú iha tinan 2008 liu husi inisiativa eis Prezidente Repúblika, José Ramos Horta, bazeia ba Dekretu Lei númeru 15/2009, 18 de Março, ho objetivu atu rekoñese atividade sidadaun Timor-oan no estranjeiru husi ONG sira ba promosaun defeza no divulgasaun Direitu Umanu iha Timor-Leste. oct

Lee hotu :   Muhamad la’os membru PNTL

Add to Comments Here!!!!

error: Content is protected.
Secured By miniOrange
You might also like:
Fortalese ensinu báziku no bee-moos, Governu sei asina akordu ho Banku Mundiál

Konsellu Ministru (KM) iha Kuarta (9/12/2020)...

KHUNTO: Governu lalika apoia kuarentena ba sidadaun mai husi rai-liur

Xefe bankada KHUNTO, Olinda Guterres, sujere...

La sériu investe iha setór produtivu, LH: TL depende de’it produtu importasaun

Peskizadór La’o Hamutuk (LH) Asuntu Agrikultura...

Close