JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Selebra loron Natal-Tinan Foun, PNTL ho PM sei la tolera kriminozu

Selebra loron Natal-Tinan Foun, PNTL ho PM sei la tolera kriminozu

Polísia Nasionál Timor-Leste (PNTL) ho Polísia Militár (PM) promete katak, sira sei la tolera ema ne’ebé hala’o aktu krime iha selebrasaun loron Natal no Tinan Foun.

Komandante PNTL munisípiu Díli, Superintendente Xefe Henrique da Costa, Segundu Komandante Superintendente Euclides Belo no Komandante Unidade Polísia Militár (PM) FALINTIL-Forsa Defeza Timor-Leste (F-FDTL), Majór Abel da Costa Xavier “Niki”, iha Kinta (17/12/2020), halo enkontru hamutuk iha Kuartel Polísia Caicoli-Díli, hodi diskute kona-bá seguransa ba fulan Dezembru, liu-liu selebrasaun loron Natal no Tinan Foun 2020/2021.

Hafoin enkontru Komandante Unidade PM, Abel da Costa Xavier “Niki” hateten, tuir loloos PNTL mak halo seguransa, maibé tanba despaixu Komandante Jerál PNTL, Komisáriu Faustino da Costa no Xefe Estadu Maiór Jenerál F-FDTL, Majór Jenerál Lere Anan Timur. Tanba ne’e mak seguransa no defeza koordena malu, hodi fó seguransa ba komunidade sira.

“Ita labele tolera joven sira nakar uza arma branka hodi halo movimentu ba mai. Tama loron boot atu selebra ho família, loron boot la’ós atu lori fali arma branka, lei iha para atua. Sé mak kaer arma branka iha loron boot nia ba deskansa iha Hotel Gratis (sela) Polísia iha hela”, Komandante Unidade PM ba jornalista sira.

Alende ne’e, Segundu Komandante PNTL munisípiu Díli, Superintendente Euclides Belo, hateten,  komando PNTL iha 500, ne’ebé sei servisu turnu, hodi garante seguransa di’ak ba komunidade.

“Koordenasaun servisu ne’ebé mak ami hala’o ho PM ne’e, hodi kontrola foinsa’e sira atu konsume alkohol karik, konsumu iha uma no bar no festa, la’ós konsumu fali tua iha estrada hodi prejudika ema ninia movimentu. Alende ne’e kondus kareta ho motor hemu dau-dauk ne’e labele. Tarjetu operasaun ida ne’e atu hala’o ema hotu livre selebra loron Natal no Tinan Foun”, dehan Euclides.

Segundu Komandante PNTL munisípiu Díli ne’e apela mós ba kondutór kareta no bus sira atu tula pasajeiru tenke tur iha kadeira, labele tabele no tur iha kapon leten. avi

Lee hotu :   PDHJ identifika Funsionario Públiku husi MP, MSS, MOPTC ba kampaña

Add to Comments Here!!!!

error: Content is protected.
Secured By miniOrange
You might also like:
PR konsidera demokrasia labele buras wainhira laiha sosiedade sivíl

Prezidente Repúblika (PR), Francisco Guterres “Lú...

Governu taka ona sistema ezekusaun OJE 2020

Ministru Prezidénsia Konsellu Ministru (MPKM), Fidelis...

OJE 2021 iha ona PR nia liman

Uma fukun Parlamentu Nasionál (PN) submete ona...

Close