Tránzitu prende kareta neen no motorizada rua

Polísia Nasionál Timor-Leste (PNTL) husi seksaun Tránzitu munisípiu Díli, prende kareta neen no motorizada rua iha Domingu (13/12/2020).

Motorizada rua ne’e Tránzitu munisípiu Díli prende, tanba la monta sapa matrikula no la tau espellu.

Alende ne’e, polísia mós prende dokumentu kareta no motorizada hamutuk haat.

Tuir observasaun GMN iha terenu haree katak, durante pasa revista polísia identifika motorista balun hala’o viajen la lori dokumentu kompletu no balun dokumentu mate.

Tanba ne’e, polísia pasa nota infrasaun ba infratór sira, atu ba selu iha Banco Nacional Comerçio de Timor-Leste (BNCTL) iha Segunda (14/12/2020), hafoin sira lori resivu mai hatudu iha polísia mak entrega fali sira-nia transporte.

Tuir tabela infrasaun bazeia ba kódigu estrada númeru 6/2003 la lori dokumentu viatura sei selu multa USD 6 to’o USD 30.

La monta sapa matrikula sei selu multa USD 9 to’o USD 60, inklui karta kondusaun liu prazu sei selu multa USD 12 to’o USD 60. avi