GMN TV Justica e Segurança Akuza Alkatiri simu subornu, tempu badak MP notifika CPN-CNRT

Akuza Alkatiri simu subornu, tempu badak MP notifika CPN-CNRT

Prokuradór Jerál Repúblika (PJR), José da Costa Ximenes, hateten, relasiona ho keixa ne'ebé Sekretáriu Jerál Partidu Fretilin, Marí Alkatiri halo hasoru Komisaun Polítika Nasionál (CPN-sigla Portugés) partidu Kongresu Nasionál Rekonstrusaun Timor (CNRT-sigla Portugés), maka tempu badak, Ministériu Públiku (MP) sei notifika vítima no arguidu sira kona-ba akuzasaun husi CPN-CNRT katak, Marí Alkatiri simu subornu husi kompañia ConocoPhillips.

 "Iha tempu badak nia laran Ministériu Públiku sei bolu ka notifika para rona vítima depois sei rona mós sira ne'ebé sai hanesan arguidu ba prosesu ida ne'e, ne'ebé provavelmente iha meiu fulan ida ne'e ita boot sira sei rona informasaun balun",dehan PJR José da Costa Ximenes iha Palásiu Prezidensiál Bairru-Pité, Díli, Tersa (5/01/2020).

Tuir Prokuradór Jerál Repúblika (PJR) ne’e katak, bainhira MP notifika ona pesoál ne'ebé sai vítima no pesoál sira ne'ebé sai hanesan arguidu ba keixa ne'e, maka MP sei rona sira-nia deklarasaun.

Alende ne’e, keixa ne'ebé Sekjer Fretilin, Marí Alkatiri aprezenta ba Ministériu Públiku kontra CPN partidu CNRT nian, Deputadu 21 iha Parlamentu Nasionál (PN) ne'e ligasaun ho soberania Timor-Leste hanesan petrolíferu ne'ebé CPN-CNRT ho deputadu sira kestiona katak Alkatiri hetan subornu.

Antes ne'e, iha loron 7 Jullu 2020, Sekretariu Jeral Fretilin, Mari Alkatiri hato'o keixa ba Ministériu Públiku (MP) hasoru membru CPN Partidu CNRT sira tuir akuzasaun ne’ebé fó ba Alkatiri katak, nia simu subornu husi kompañia ConocoPhillips ba ninia interese.

Hafoin ida ne'e,  iha loron 6 fulan Novembru, tinan 2020,  Alkatiri keixa tan daruak deputadu bankada CNRT na'in 21 ba MP tanba halo deklarasaun laloos iha salaun bankada CNRT nian iha PN. Oly


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker