JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT: Xanana hatán iha TDD hasoru Alkatiri

CNRT: Xanana hatán iha TDD hasoru Alkatiri

Vise Prezidente Conselho Política Nacional partidu Congresso Nacional Reconstrução de Timor (CPN-CNRT), Virgílio Smith, hateten, CPN-CNRT, deside katak, Prezidente Komisaun Polítika Nasionál, Kay Rala Xanana Gusmão, mak sei hatán keixa husi Sekretáriu Jerál, Mari Alkatiri iha Tribunál nu’udár arguidu.

“Husi kuadrus no militantes partidu CNRT nian, loron 23, fulan Janeiru, tinan 2021, CPN iha reuniaun extraordinária ida ne’e hasa’i desizoens hanesan tuir mai, husu ba Ministériu Públiku (MP) atu komprende katak, CPN-CNRT, órgaun koletivu ida no iha desizaun hotu-hotu, sé mak responsável liu mak Prezidente CPN, Kay Rala Xanana Gusmão no bankada parlamentár CNRT implementa polítika husi partidu CNRT, liu husi programa sira ne’ebé hasa’i iha kongresu no mós implementa desizaun husi órgaun máximu partidu nian mak CPN iha kazu ida ne’e, CPN hasa’i desizaun katak, Prezidente CPN, Kay Rala Xanana Gusmão mak tenke ba hatán nu’udár arguidu”, Vise CPN-CNRT, Virgílio Smith ba jornalista sira liu husi konferénsia imprensa iha Bairro dos Grilhos, Díli, Domingu (23/01/2021).

Nia dehan tan, membru CPN sira seluk no deputadu 21 husi bankada parlamentár CNRT iha Parlamentu Nasionál (PN) sei uza mak sira-nia ‘direitu ba silénsiu’ tuir artigo 60º, alínea C, Kódigu Prosesu Penál no membru CPN preparadu atu ba hatán de’it iha Tribunál, nu’udár arguidu.

Virgílio informa, CPN nu’udár órgaun ida kompostu husi membru 11, inklui ninia Prezidente mak Kay Rala Xanana Gusmão, nu’udár mós Prezidente partidu CNRT.

Tanba ne’e, bankada parlamentár partidu CNRT iha ninia atividade ka desizaun sira sempre konsulta CPN, tanba deputadu CNRT mesak kuadru polítiku partidu CNRT no bankada sai nu’udár estensaun husi partidu iha PN atu foti aas interese nasaun nian no defende interese partidu ida ne’ebé bankada parlamentár reprezenta iha Segundu Órgaun Soberania Estadu nian.

Nia dehan tan, iha biban ne’e CPN-CNRT hakarak informa ba públiku jerál no ba órgaun Estadu ne’ebé karik iha interese atu hatene katak, CPN-CNRT lamenta tebes deklarasaun husi Marí Alkatiri ne’ebé nia hasa’i molok sai husi MP iha loron 18, fulan Janeiru, tinan 2021 ne’ebé hateten, “Ami la ba hasoru malu, sira ba hasoru justisa, la’ós ba hasoru ha’u, sé prezidente, ha’u la hatama nia iha keixa, tanba nia la halo deklarasaun, sé maun Xanana mak halo deklarasaun ruma sala, ha’u hatama nia hotu, ha’u la tauk ida”.

Tuir Virgílio Smith, problema sira ne’e nia hún maka iha loron 21 no loron 22, fulan Juñu, tinan 2020, Sekretáriu Jerál partidu FRETILIN, Marí Alkatiri hasa’i iha ninia ‘facebook’ liafuan sira hanesan tuir mai:

“Lian menon loron ohin nian: “Korupsaun ne’e moras ida hanesan virus ativu ida ne’ebé hada’et lais tebes. Ema sira ne’ebé hala’o korupsaun wainhira atu subar no proteje sira-nia-an, sira uza asaun ‘trickle-down’ kari osan restu ka buat ki’ik balun ba ema vulneravél sira atu hatudu dehan sira solidariedade ba ema seluk (filantropia) ka soe rai-rahun ba ema nia matan (mobiliza média) wainhira sira fó buat ruma ba kiak sira atu hatudu dehan sira halo “karidade”. – 21 de Junho de 2020.

“Balun, tanba poder uluk sai eroi, agora sai koruptór boot no habelar korupsaun ba povu tomak nia leet”. – 22 de Junho de 2020.

Tanba iha tempu ne’ebá laiha tan ema sé de’it mak la’o hale’u aldeia no suku, liu-liu iha fronteira hodi bolu atensaun kona-bá COVID-19 ne’ebé bele mai husi Nusa Tenggara Timur (NTT), liu-husi Atambua no Kefa, kuandu lé liafuan sira nebé reproduz iha leten, partidu tomak la simu liafuan sira ne’e, ne’ebé koalia aat no halo difamasaun ba Prezidente Partidu CNRT, Kay Rala Xanana Gusmão katak nia hakarak ‘subar korupsaun’.

Tanba ne’e, reasaun husi militante partidu CNRT nian mak CPN halo reuniaun iha loron 22, fulan Juñu, tinan 2020, hodi hasa’i ninia deklarasaun ba imprensa nu’udár resposta ba Mari Alkatiri.

Iha deklarasaun ne’e, sé mak asina Vise Prezidente CPN, Virgilio Smith, maibé sé mak diriji reuniaun ne’e Prezidente CPN rasik, Kay Rala Xanana Gusmão. Públiku bele husu ‘tanba sá mak Prezidente CPN la asina? Resposta mak ne’e: tanba de’it konteúdu reuniaun ne’e kona-bá Prezidente CPN rasik, hodi nia fó kompeténsia ba Vise Prezidente CPN atu asina.

Virgílio dehan tan, iha loron 6, fulan Novembru, tinan 2020, Mari Alkatiri hakat ba MP hodi aprezenta keixa kontra membru CPN no bankada parlamentár CNRT no iha loron 5, fulan Janeiru, tinan 2021, Procurador Geral da República, José Ximenes, molok sai husi audiénsia ho Prezidente Repúblika, Francisco Guterres Lú Olo nia dehan katak “iha tempu badak, MP sei notifika arguidu sira husi CPN no husi Bankada parlamentár CNRT”.

Ho ida ne’e, iha loron 8, fulan Janeiru, tinan 2021, membru CPN na’in haat (Virgílio, Rigoberto, Roque no Bendito) simu notifikasaun husi MP atu aprezenta-an nu’udár arguidu.

Iha MP, Prokuradór, Adérito Tilman fó sai ba membru CPN na’in haat ne’e atu tuir artigu 60º, alínea c), Kódigu Prosesu Penál, bele uza sira-nia ‘direitu ba silénsiu’ no sira simu hodi invoka ‘direitu’ ne’e.

Membru CPN na’in haat ne’e informa de’it, CPN iha membru 11, inklui Kay Rala Xanana Gusmão nu’udár Prezidente ba órgaun ne’e no mós katak, Prezidente CPN prontu atu ba halo depoimentu ruma ka hatán nu’udár arguidu ba kazu ida ne’e.

“Iha partidu CNRT laran ami hotu hein loos bainhira mak sei bolu tan membru CPN nian no deputadu bankada Parlamentár CNRT nian, kuandu Mari Alkatiri sai husi MP iha loron 18, fulan Janeiru, tinan 2021 halo deklarasaun ne’ebé bele haree”, tenik Virgílio.

Hafoin rona keixa husi Mari Alkatiri ne’ebé hatete, “Ha’u mai iha ne’e halo depoimentu fó tan konteúdu substánsia ba ha’u nia keixa, eh halo ona ba tolu ne’e hotu, CPN-CNRT nian, bankada CNRT nian, eh sidadaun na’in haat, prosesu tolu ne’e mak halo hotu dala ida, tanba ne’e mak demora, signifika saída agora sira prepara-an ba para sira mai atu defende-an, tanba ba ha’u prosesu ne’e ba oin sei la hakiduk”. “Komisaun Nasional Polítika husi Virgílio Smith mai to’o iha Tomás Cabral, depois bankada CNRT ne’e sira na’in 21”. “Ha’u husik ona ha’u-nia depoimentu kompletu ona, sé MP presiza tan ha’u mai, ha’u mai nafatin, ne’e hotu-hotu hatene katak, prosesu ne’e foin hahú, agora to’o bainhira mak hotu mak ita haree”. nes

Lee hotu :   Marsa ba Paz, Povu Baucau promete lakohi tan “ahi suar”

Add to Comments Here!!!!

error: Content is protected.
Secured By miniOrange
You might also like:
Vasina COVID-19 tenke prioridade ba fronteira

Prezidente Autoridade Rejiaun Administrativa Espesiál Oe-Cusse...

Veteranus 20-24 anos hetan osan USD 40.000

Ministériu Asuntu Kombatente Libertasaun Nasionál (MAKLN),...

PN aprova proposta rezolusaun ESAE

Parlamentu Nasionál (PN) liu hosi Komisaun...

Close