JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Defensória Públika Suai konsidera kapturasaun suspeitu NM ilegál

Defensória Públika Suai konsidera kapturasaun suspeitu NM ilegál

Defensória Públika Munisípiu Covalima, konsidera atuasaun Servisu Infomasaun Polísia (SIP) no Batallaun Orden Públika (BOP) no Komando Operasaun Espesiál (KOE) hodi kaptura mane ida ho inisiál NM iha Tatiri Ainaro ilegál, tanba la hatudu prova husi Tribunal Distritál Suai (TDS).

Relasiona kazu omisídiu akontese iha área Tatiri, suku Mulo, postu administrativu Hatu-Builico, munisípiu Ainaro, ne’ebé rezulta vítima Ilidio Pacheco mate iha loron 25, fulan Dezembru, tinan 2020 no vítima na’in rua kanek todan, tanba hetan baku mós husi grupu joven sira, ikus mai vítima na’in rua, inklui vítima Moises Perreira “Kolteti” baixa iha Hospital Nacional Guido Valadares (HNGV).

Husi kazu ne’e PNTL Ainaro, kaptura ema na’in sia iha Tatiri, hodi aprezenta uluk iha TDS, hodi tuir Primeiru Interogatóriu (PI), ikus mai hetan medida koasaun husi tribunál no suspeitu na’in haat tama prizaun.

Liu de’it semana ida, vítima Moises Perreira “Kolteti” ne’ebé baixa iha HNGV mate, tanba sofre kanek todan.

Tanba  ne’e, Sesta (08/01/21) mais ou menus tuku 06:00 dadersan SIP no ekipa BOP no KOE husi kompañia Delta halo tan kapturasaun ba mane ida ho inisiál NM, iha Tatiri, tanba deskonfia hanesan autór prinsipál ba kazu omisídiu hasoru  Ilidio Pacheco no hakanek vítima Moises Perreira “Kolteti’ kanek todan ikus mai lakon vida.

Maibé família husi NM lamenta ho kapturasaun polísia nian, tanba autoridade seguransa sira la hatudu despaixu ruma husi TDS molok halo kapturasaun. Família NM konsidera iha atuasaun Polísia nian ne’e mós inan-feton ida deskonfia hetan baku ho kilat.

Tanba ne’e, Defensór Públiku (DP) husi munisípiu Suai, Albino de Jesus Perreira  haruka vítima ne’ebé hetan baku hato’o keixa ba iha Polísia Nasionál Servisu Investigasaun Kriminál (PNSIK) atu loke prosesu investigasaun ba membru polísia ne’ebé mak envolve iha atuasaun ne’e. DP ne’e husu mós ba PNTL atu husik NM ne’ebé mak sira kaptura fila-fali ba ninia família.

“Em prinsípiu sira nia família ba iha DP Suai, sira ba sira hato’o de’it katak, sira hetan kapturasaun, hetan baku husi BOP, entaun ha’u hanesan DP husu ba sira,  kuandu sira ba kaptura imi ne’e sira hatudu despaixu husi tribunál ba imi nia família, entaun sira dehan mai ha’u dehan sira laiha mandadu ruma, ne’ebé sira  ba kaer de’it, entaun ha’u rasik akompaña sira nia família ba iha tribunál atu konfirma despaixu ruma kona-bá mandadu kapturasaun ema sira ne’e iha ka lae, entaun ita ba check iha ne’ebá laiha mandadu ruma. Ha’u konfirma fali mai iha investigasaun Ainaro, karik iha despaixu kapturasaun ba ema sira husi tribunál, investigasaun rasik dehan laiha kapturasaun ruma”, DP  husi munisípiu Suai ne’e ba GMN iha Kuartel Jerál PNTL Caicoli-Díli, Sabádu (09/01/2021).

Ho kazu ne’e, Albino, kontinua konfirma mai iha Servisu Investigasaun munisípiu Ainaro katak, PNTL Ainaro iha koñesimentu ruma ka lae, kona-bá Polísia Intelijen no BOP ho KOE halo kapturasaun ba NM ne’e. Maibé polísia Ainaro hatan katak, sira laiha koñesimentu.

“Entaun ha’u konfirma fali ba família katak, imi nia alin ha’u la hatene nia paradeiru iha ne’ebé ha’u la hatene, maibé dehan iha BOP no KOE sira-nia liman ha’u la hatene, ha’u la haree ho matan, ita tenta para fó hatene ba sira sé misalnya sira-nia kapturasaun ne’e liu ona prazu tuir loos iha prosesuál bele konsidera ilegál, entaun ha’u haruka sira mai hato’o keixa iha PNSIK bele halo investigasaun di’ak liu ba kolega polísia sira ne’e, tanba iha mandadu ne’e iha ka lae”, dehan DP ne’e.

Albino ne’e mós dehan, em prinsípiu kuandu laiha mandadu ruma, tenke entrega fali NM ba ba ninia família.

Iha kapturasaun ne’e polísia mós lori vítima na’in rua ba aktu krime husi grupu joven sira iha Tatiri-Ainaro, hodi sai sasin ba kazu ne’e, nune’e bele hafasil prosesu identifikasaun ba suspeitu sira mak envolve iha kazu omisídiu ne’e. avi

Lee hotu :   PTR la komenta petisaun CNRT kontra PR

Add to Comments Here!!!!

error: Content is protected.
Secured By miniOrange
You might also like:
Expedito, Jordão, Paulo no Deonaia kompete ba KI

Parlamentu Nasionál (PN), iha Segunda (11/01)...

PN: Hapara kompañia distribui ai-han dodok ba povu

Deputada bankada KHUNTO, Olinda Guterres, husu...

Família Francisco Xavier husu MP prosesa autór tesi bandeira RDTL

Loron 9, fulan ne’e, família boot...

Close