JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Deskonfia fa’an rai Estadu, arguidu sira submete ba PI

Deskonfia fa’an rai Estadu, arguidu sira submete ba PI

Arguidu sira ho inisiál RM, JTS, MB, O, PMA, AG, MB, JGB no arguida na’in rua ho inisiál EB no MB, iha Kinta (21/01) mais ou menus tuku 09:30 akompaiña husi membru Polísia Nasionál Servisu Investigasaun Kriminál (PNSIK) submete ona ba prosesu Primeiru Interogatóriu (PI) iha Tribunál Distritál Díli (TDD), tanba kumpre ona oras 72 iha sela detensaun polísia.

Arguidu RM nu’udár Diretór Jerál Diresaun Jerál Terras Properiedade, tuir mandadu detensaun husi tribunál ho númeru krime 0077/20.PGGCC iha loron 18, fulan ne’e, hodi detein arguidu iha ninia kna’ar fatin no buska domisiliáriu ba arguidu nia rezidénsia hodi rekolla dokumentu no prende objetu ne’ebé iha relasaun ho faktu investigasaun.

Mandadu tribunál haruka ba PNSIK katak, arguidu deskonfia komete krime Abuzu Poder, Danu Agravadu, Falsifikasaun Agravada, Falsifikasaun Dokumentu ka Notasaun Téknika no Korupsaun Pasiva Aktu Ilísitu.

Nune’e, iha loron 19, fulan ne’e, PNSIK kontinua ezekuta mandadu tribunál ne’e ba Xefe suku Manleuana JTS, Xefe Aldeia Lesibutak inisiál AG no JGB nu’udár Delegadu Lesibutak, inklui abitante na’in lima ne’ebé deskonfia fa’an rai ho medida metru kuadradu 4500 ba ajénsia transporte BK ho dokumentu kompleta.

Arguidu JTS, JGB no AG nu’udár autoridade lokál iha momentu ne’ebá sai sasin, tanba asina dokumentu fa’an rai ne’e no arguidu MB, EB no arguidu sira seluk nu’udár na’in ba rai ne’ebé fa’an rai.

Maibé antes ne’e, arguidu EB ho MB hateten, rai ne’e sira-nia aman matebian ona okupa iha tinan 1980, iha tempu ne’ebá sira uza hodi halo to’os no natar, hafoin ne’e iha tinan 2012 fó aluga ba sidadaun estranjeiru no Timor-oan ida, hodi hari’i fatin resiklajen iha área Lesibutak to’o tinan 2017 mak kontratu ne’e termina.

Maibé sidadaun ho inisiál JD ne’ebé suspeitu EB ho MB fó aluga rai ba nia ne’e la konkorda, tanba konsidera rai ne’e partense ba Estadu. Nune’e arguidu sira rejeita, tanba sira iha sertifikadu rai husi Terras Properiedade no sasin ba rai ne’e sei iha.

Prosesu PI ne’e, prezide hosi juíz prosesu, Ivan Suritai, Ministériu Públiku (MP) reprezenta hosi prokuradór, Matias Soares, arguidu sira hetan asisténsia legál husi advogadu privadu, Manuel Tilman, Fernando da Costa, Cáncio Freitas no Defensór Públiku (DP) na’in rua. san

Lee hotu :   Kona-bá operasaun Skylight, Alkatiri keixa Rogério Lobato, Abílio ho LUGU ba MP

Add to Comments Here!!!!

error: Content is protected.
Secured By miniOrange
You might also like:
CNRT: Aumenta PNTL & F-FDTL iha fronteira

Reprezentante povu iha uma fukun Parlamentu...

MF-RAEOA asina protokolu transferénsia osan

Ministériu Finansa (MF) hamutuk ho autoridade...

Arsênio: “Ró Haksolok la mai, ha’u prontu responsabiliza”

Prezidente autoridade Rejiaun Administrativa Espesiál Oe-Cusse...

Close