JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Elementu PNTL tiru abitante ida iha Tasitolu ■Família kondena no ezije komando hasai

Elementu PNTL tiru abitante ida iha Tasitolu ■Família kondena no ezije komando hasai

Vítima  Martinho  Tasi-Rade, deskonfia tiru husi elementu Polísia Nasionál Timor-Leste (PNTL), Unidade Batalhão Ordem Pública iha área Tasitolu, Aldeia 12 Outobru, Suku Comoro iha Sesta (01/0121) madrugada.

Kazu  tiru ne’e deskonfia envolve husi pesoál PNTL husi seksaun Korpu Seguransa elementu ida ho inisiál MM.

Vítima Martinho Tasi-Rade hetan tiru iha parte kanotak liman los borus liu  ba liman karuk  hirus matan.

Dadauk ne’e, vítima  iha Hospital Nasionál Guido Valadares  hodi halo tratamentu.

Nune’e mós Polísia seksaun Investigasaun munisípiu Díli akompanha husi Polísia Espesial husi Korpu Seguransa Pesoal, lori ona oknum  Polísia ne’e, hodi halo identifikasaun ba fatin akontesimentu no rekolla ona involku rua.

 Esperansa Belo, núdar vítima nia inan haktuir. nia oan mane hetan tiru, hafoin fila husi Masalidun. Tanba ne’e nia hakarak prosesu kazu ne’e levanta ba oin.

“Ohin ha’u  husu direta  ho ha’u nia oan ida  katak, nia ho nia primu ba iha Masalidun, sira tuun mai ema asaltu sira na’in rua  haruka para, maibé  vitima ho nia kolega fó boanoite, iha tempu ne’e ema komesa hobur sira na’in rua, entaun iha biban ne’e  vítima nia primu gas motor, hodi dehan Abito o halai, tanba ema losu pistola hodi tiru, depois sira na’in rua halai, tanba barak,  entaun sira na’in rua halai to’o pemancar iha área 12 Outobru nian, depois nia primu hamate tiha motor hodi ba fali uma de’it”, esplika Esperansa Belo, núdar vítima nia inan, ba GMN Sesta (01/0121), iha Hospital Nasionál Guido Valadares.

Elementu Polísia ne’e, hala’o prosesu identifikasaun iha Eskuadra Polísia Dom Aleixo.

Família kondena no husu komandu PNTL hasai

Lee hotu :   Faustino da Costa: PNTL la husik livre droga tama TL

Vítima Martino Tasi Rade hetan tiru husi membru Polísia Batallaun Orden Públika (BOP), família kondena no husu Komandu Jeral foti medida forte hasoru suspeitu inisial MM hasai nia husi membru PNTL.

Kazu membru PNTL husi Unidade Batallaun Orden Públiku ne’ebé tiru vítima Tasi Rade hetan kanek grave besik pulmaun iha ne’ebé bala musan kona husi oin no borus ba kotuk.

Ho akontesiemntu família vítima husu ba komandante jeral pntl atu foti medida rigorozu hasoru membru bop ne’e, tanba kopntra despaisu númeru 13/9/19 kona-ba proposta rai kontrolu no uza de fogu

“Ami família vítima husu ba jeral pntl faustinho da costa atu hola medida rigorozu hodi prosesu okunum polísia ho naran kompletu maximiano metan ho nú.id 13934 ne’ebé uza armas hodi hanek joven nain 2 ho naran kompletu marrtinho tasi rade kanek todan iha parte kotuk borus ba oin besik pulmaun no ropberto pereira de araujo ne’ebé trauma makas bala musan kona kois, ami ejize ba komando jeral pntl foti asaun disiplinar, no administrasaun forte no todan hasoru membru bop tanba uza nia kompetensia no ignoransia hodi la halo kontrollu ba arma ne’ebé nia membru uza iha fora de serbisu”,dehan, Portavoz, Placido Marcal liu husi Komunikadu ba Imprensa iha Aldeia 12 de Outobru, Sábadu (02/01).

Tuir vítima Roberto de Araujo kazu ne’e akontese, hafoin sira nain 2 fila husi maslidun ho motor Sapa Matríkula N-2396 iha loron 01, fulan Janeiru tinan ne’e, tuku 4 liu minitu 30 madrugada oras timor-leste

Roberto esplika, durante ne’e vítima sira laiha ho problema ho suspeitu, maske vítima ho susopeitu hela viziñu iha aldeia 12 de outobru

Lee hotu :   Sala utiliza MédSos mak hamosu kazu VD

“Ami rua iha maslidun ami rua fila tun husi maslidun mai tama husi dalan besi mean ne’eba ami fó boanoite ba maun (suspeitu) ami liu tiha maun ne’e dehan para lai, entaun ami para maun ne’e hasai kilat langsung karega ha’u mós trama ha’u gas maun ne’e tiru”,

Abílio da Costa Tasi Rade nu’udar, aman ba vítima Martino Tasi Rade husu atu foti medida rigorozu  hasoru membru BOP ne’ebé hanesan lutu ba nasaun ne’e.

“Attitude ne’ebé luta ba nasaun ne’ebé halo dadauk ba povu sasan ne’ebé nia lori povu ninian la’os ninian se povu laiha nia mós dala ruma la serbisu iha instituisaun pntl husu li-liu ba komandante sira agora dadauk kaer sira halo buat ne’e halo didiak para nia mós labele halo foer instituisaun pntl nia naran iha tl agora dadauk ha’u nia oan kanek ba ha’u rasik la simu”,dehan.

Kazu ne’e akontese iha Sesta loron ida, fulan Jeneiru ne’e, iha aldeia 12 de Outubro, Suku Comoro, Postu Administrativu Dom Aleixo.

Vítima Martino Tasi Rade ho idade 18, dadaun ne’e halo hela tratamentu iha ospital nasional guido valadares bidau díli no vítima roberto pereira de araujo ho idade 17 dadaun ne’e iha hela nia uma, tanba taruma ho kilat musan ne’ebé kona kois. Avi/Ina

Add to Comments Here!!!!

error: Content is protected.
Secured By miniOrange
You might also like:
Dom Virgílio: Família tenke sai hun ba kultura kuidadu paz

Arsebispu Metropolita Díli, Dom Virgílio do...

La preparadu hasoru COVID-19, komunidade kritika servisu MS

Komunidade sira kritika maka’as servisu Ministériu...

Selebrasaun simu tinan foun 2021, PNTL detein lanu-ten na’in lima

Polísia Nasionál Timor-Leste (PNTL)  detein  suspeitu...

Close