JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

F-FDTL sei rekruta membru foun 600 iha Marsu 2021

F-FDTL sei rekruta membru foun 600 iha Marsu 2021

Xefe Estadu Maiór Jenerál F-FDTL, Majór Jenerál Lere Anan Timur, deklara, iha fulan Marsu, tinan ne’e, komando hahú halo rekrutamentu ba membru foun Falintíl Forsa Defeza Timor-Leste (F-FDTL) hamutuk na’in 600 iha faze dahuluk.

“Rekrutamentu ba membru F-FDTL foun nian, kaundu situasaun hotu la’o ho di’ak sei hahú rekrutamentu iha fulan Marsu, hahú ho na’in 600, depois ba iha rekrutamentu daruak mak na’in 600 tan para kompleta 1.200, maibé depende ba situasaun Covid-19, mas orsamentu iha ona, tanba ne’e komandu tenke kria kondisaun para simu kandidatu foun sira”,dehan Lere hafoin remata enkontru ho Prezidente Repúblika, Francisco Guterres Lú Olo, iha Palásiu Prezidensiál Bairru-Pité, Kuarta (06/01/2021).

Líder máximu instituisaun F-FDTL ne’e akresenta, dokumentu sira ne’ebé tinan liu bá iha ona, kontinua halo selesaun de’it, maibé sira ne’ebé tama ona idade 28 tenke hasai.

“Dokumentu sira uluk ne’ebé iha impase polítika, Covid-19 nian ne’e mós haree hotu fali, tanba balun uluk hatama sei iha idade 25, ne’ebé liu ona tinan rua ne’e balun idade 28 ona, ne’ebé pasiénsia tanba  tinan liu ona, mas ida ne’ebé uluk hatama dokumentu mak sei iha idade 19 no 20 ne’e sei bele,  entaun simu mak ida ne’e. Orsamentu hira mak prevé ba rekrutamentu membru F-FDTL foun ne’e ha’u  seidauk hatene, maibé bainhira la to’o mak husu tan ba Ministru Defeza no Seguransa”, tenik Lere. Oly

Lee hotu :   Faustino: F-FDTL fo apoiu ba servisu PNTL nian

Add to Comments Here!!!!

error: Content is protected.
Secured By miniOrange
You might also like:
Hein prosesu tenderizasaun, Governu estende kontratu MATO ho ETO

Governu estende tan kontratu ba kompania...

MKAE: Laiha lei suspende provizóriu distribuisaun sesta bázika

Ministru Koordenadór Asuntu Ekonómiku (MKAE), informa...

PNTL kaptura komunidade la uza máskara

Polísia Nasionál Timor-Leste (PNTL) iha Kuarta...

Close