Fornese internet ilegál ba Governu, PNSIK taka kompañia UNITECH

Polísia Nasionál Servisu Investigasaun Kriminal (PNSIK) iha Segunda  (04/01/21) taka obrigatóriu kompañia UNITECH iha Bidau, Díli, tanba deskonfia fornese internet ho ilegal ba ministériu balun.

PNSIK ezekuta  mandadu  detensaun Tribunál Distrital Díli ho númeru NUC 0166/ 20 PNSIK, hodi   rekolla evidénsia  PowerBeam  ne’ebé mak utiliza hodi  akapta liña internet husi nasaun seluk nune’e bele fornese ba instituisaun sira.

Alende ne’e, Polísia rekolla pasaporte haat  husi sidadaun Indonézia sira ne’ebé mak durante ne’e servisu iha kompañia UNITECH núdar tékniku.

Hafoin ne’e PNSIK dada liña Polísia haleu edifísiu kompañia UNITECH hodi bele asegura evidénsia balun iha edifísiu laran. avi