JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu fó prioridade ba veteranu nia oan tama F-FDTL

Governu fó prioridade ba veteranu nia oan tama F-FDTL

Ministru Defeza (MD), Filomeno Paixão, hatete, Governu sei tenta fó prioridade ba veteranu nia oan tama FALINTIL-Forsa Defeza Timor-Leste (F-FDTL), maske lei la autoriza.

Tanba ne’e, Filomeno Paixão apela ba veteranu sira-nia oan hotu atu prepara-an, liu-liu parte fízika nian hodi konkore ba vaga rekrutamentu membru F-FDTL.

“Ida ne’e iha lei la ko’alia ida ne’e, ita seidauk iha lejislasaun ida mak ko’alia kona-bá ida ne’e, maibé iha implementasaun ita bele haree halo nusa mak ita bele prioritiza veteranu sira-nia oan. Klaru iha lejislasaun hatete de’it ema tenke iha saúde, iha psikosomátikamente. Ne’e duni ha’u hakarak halo apelu ida ba veteranu sira-nia oan  hotu mantein fíziku di’ak, espíritu di’ak evita vísios tabáku ho tua. Tanba iha prova ne’ebé todan haruka hala’i, haruka push up, kuandu halo labele difísil uitoan iha apresiasaun no avaliasaun ne’e”, MD ne’e hafoin hasoru malu ho Prezidente Repúblika (PR), Fransisco Guterres Lú Olo, Segunda (25/01/2021).

Filomeno Paixão esplika, relasiona ho orsamentu Estadu 2021 ne’ebé Parlamentu Nasionál (PN) aprova no dekreta ona husi Xefe Estadu, alokadu ba área defeza limitadu, nune’e Governu só bele rekruta membru 600 de’it.

“Kestaun ne’ebé Prezidente husu kona-bá orsamentu ne’ebé aprova ona ba iha Defeza besik USD tokon 45 ba MD no F-FDTL, husi USD tokon 45 iha osan besik USD tokon 26 ba iha F-FDTL, ida ne’e foku liu ba iha tinan ne’e ba iha rekrutamentu, infelizmente ita só halo de’it ba ema na’in 600 la to’o proposta ne’ebé ita halo ba ema na’in 1200 (rihun ida atus rua), tanba iha difikuldade iha orsamentu ne’ebé ita tenke limita. No iha tinan oin iha intensaun para propoin fali ba 1200 (rihun ida atus rua)”, relata Governante ne’e.

Durante enkontru, MD informa mós ba Xefe Estadu kona-bá preparasaun Governu nian atu implementa lei servisu militár obrigatóriu ne’ebé Prezidente Repúblika promulga ona. Filomeno Paixão hatete, ba dahuluk Governu sei prepara uluk infraestrutura no lojístika antes halo rekrutamentu ba sidadaun sira, hodi kumpre servisu militár obrigatóriu.

Relasiona ho rekrutamentu membru F-FDTL, oan mane husi luta na’in Lucas de Araújo ho kódigu Soburai ne’ebé uluk luta mós ba libertasaun Timor-Leste iha área Taroman, Postu Fatululik, Munisípiu Covalima, Rozito Ximenes da Cruz ezije hodi rekomenda nia-an ba Xefe Estadu Maiór F-FDTL, Majór Jenerál Lere Anan Timur, nune’e nia bele pasa iha rekrutamentu membru F-FDTL.

Ba Jornál Diário Rozito de Araujo dehan, uluk nia aman mós luta ba libertasaun rai doben ida ne’e, maibé depois ukun-an liu tinan 10 resin ona mós ninia aman Lucas de Araújo seidauk hetan rezultadu no direitu hanesan ema veteranu ida.

“Ha’u rekomenda ha’u nia-an katak, ha’u tenke liu F-FDTL iha tinan ida ne’e, maibé ha’u fó konfiansa ba iha Majór Jenerál Lere Anan Timur, ha’u fó konfiansa tomak ba iha Komisaun Rekrutamentu F-FDTL”, subliña Rozito de Araújo. oct

Lee hotu :   Deskonfia naok Bibi, PM kastigu membru F-FDTL ida

Add to Comments Here!!!!

error: Content is protected.
Secured By miniOrange
You might also like:
Governu tenke klarifika razaun FP simu saláriu atraza

Bankada Congresso Nacional Reconstrução Timorense (CNRT),...

Ohin, PN presta omenajen ba deputadu Guntur

Parlamentu Nasionál (PN) ohin Segunda (25/01)...

MS adia data mass screening

Koordenadora Jerál Komisaun Nasionál COVID-19, Odete...

Close