JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere: Ema ne’ebé haleu Maun Xanana labele husik nia monu

Lere: Ema ne’ebé haleu Maun Xanana labele husik nia monu

Xefe Estadu Maiór FALINTIL-Forsa Defeza Timor-Leste (F-FDTL), Majór Jenerál Lere Anan Timur, alerta ba ema sira ne’ebé iha líder nasionál Kay Rala Xanana Gusmão nia sorin atu kuidadu labele husik eis-Prezidente Repúblika ne’e monu ba sala.

Lere Anan Timur  hato’o alerta ne’e relasiona ho keixa ne’ebé halo husi Marí Alkatiri hasoru membru Conselho Político Nacional partidu CNRT (CPN-CNRT), maibé CPN-CNRT iha semana kotuk deside delega fali kompeténsia ba Prezidente partidu CNRT, Kay Rala Xanana Gusmão, atu ba hatán keixa Marí Alkatiri nian ne’e iha Tribunál. Tanba ne’e Lere husu ba ema sira ne’ebé iha Xanana nia sorin atu kuidadu-an bainhira líder nasionál ne’e monu ba sala ruma.

“Agora ema aproveita maun Xanana ami hatene ema sira ne’ebé mak aproveita maun Xanana ne’e kuidadu, maun Xanana hanesan di’ak nafatin hanesan ne’e ami mós hakmatek, Xanana hetan di’ak ami mós basa liman. Maibé Xanana kuandu monu ba sala ruma, monu ba saida ruma sira ne’ebé haleu tenke kuidadu, ne’e ami la’ós F-FDTL, maibé ami FALINTIL mak ami sei husu responsaibilidade ema sira ne’ebé besik nia, tanba saida mak ami-nia Komandante hetan moras hanesan ida ne’e ami sei husu sira, porque ohin loron CPN-CNRT dehan maun Xanana maka ba ne’e. Maun Marí hatete ha’u la keixa maun Xanana. Be nusa mak maun Xanana ba, ne’e polítika ne’e sira mak hatene. Maibé ami solidáriu nafatin ho ami-nia maun Xanana”, Xefe Estadu Maiór F-FDTL ne’e hafoin enkontru ho Prezidente Repúblika, Francisco Guterres Lú Olo, Kuarta (27/01/2021).

Entretantu, Sekretáriu Jerál partidu FRETILIN, Marí Alkatiri hato’o keixa dahuluk ba Ministériu Públiku (MP) iha loron 7, fulan Jullu, kontra CPN-CNRT, tanba akuza Marí Alkatiri simu subornu husi kompañia ConocoPhillips ho montante USD tokon lima no keixa daruak nian iha loron 6, fulan Novembru, hasoru deputadu CNRT na’in 21, tanba akuza Marí Alkatiri halo korupsaun simu subornu.

“Ida ne’e tama ba área polítika, mas imi mak husu ha’u responde. Xanana Gusmão ami-nia maun, ami-nia aman. Uluk iha ai-laran gerilleiru sira konsidera Xanana ne’e na’an dois, ema lakohi halo seguransa ba nia, tanba saida? Tauk, la’ós ta’uk inimigu, ta’uk tanba keta Xanana mate iha sira-nia leet. Kuandu Xanana por desastre mate iha ami nia leet ami 100 mate dala ida de’it, ema ida labele hala’i. Entaun orden ne’ebé mak ami fó mak ne’e Xanana tenke mate ikus, 100 nia laran tenke Xanana mak mate ikus, ne’e tanba saida? Nia ami-nia líder atu bele kondus moris para lori funu ne’e ba oin”, konta Lere.

Iha loron 23, fulan ne’e, CPN-CNRT deside Prezidente CPN, Kay Rala Xanana Gusmão, maka sei hatán keixa Marí Alkatiri nian iha Tribunál nu’udár arguidu. oct

Lee hotu :   KHUNTO-CNRT: LKD viola konstituisaun

Add to Comments Here!!!!

error: Content is protected.
Secured By miniOrange
You might also like:
MS deteta Timor-oan ida pozitivu COVID-19

Ministériu Saúde (MS) rejista tan Timor-oan...

Lere: Kriminaliza ema tama-sai ilegál

Xefe Estadu Maiór FALINTIL-Forsa Defeza Timor-Leste(F-FDTL),...

CNRT: FRETILIN ta’uk Xanana mak hatán Alkatiri nia keixa

Bankada CNRT iha Parlamentu Nasionál (PN)...

Close