Ministériu Públiku rejista prosesu 188 ne’ebé envolve Estadu

Prokuradór Jerál Repúblika (PJR), José da Costa Ximenes, husu Estadu atu koopera hodi fornese dokumentu ba kazu 188 resin ne’ebé envolve Estadu iha prosesu judisiál.

José Ximenes esplika atu defende interese Estadu presiza iha koordenasaun di’ak entre Ministériu Públiku (MP) ho Instituisaun Estadu sira, tanba iha kazu balun ne’ebé Estadu tenke lakon iha Tribunál, tanba laiha razaun forte.

“Iha prosesu sira ne’e iha 188 mak Estadu hanesan tergugat ou autór, ami informa ba para Governu haree uitoan, nune’e servisu di’ak hodi reforsa MP nia pozisaun bainhira defende Estadu nia interese iha Tribunál sira, iha área barak liu mak área reseitas Ministériu Finansa (MF) nian no depois iha Ministériu Justisa (MJ) mak área Terras Propriedade nian”, afirma PJR ne’e iha Palasiu Governu, Kinta (07-01-2021).

José Ximenes esplika, durante ne’e MP sempre koopera ho Governu hosi dokumentasaun, hodi fornese ba gabinete kontensiozu Estadu, hodi sai hanesan prova oinsa defende Estadu nia interese.

Iha vizita ne’e PJR mós aprezenta projetu lei sibernétiku ho artigu 30 resin ne’ebé iha loron 4, fulan ne’e, haruka ona ba MJ.

“Ko’alia mós kona-bá lei sibernétiku ne’ebé di’ak no projetu lei sibernétiku nian por volta artigu 33 0u 34 no lei ne’e bele ajusta ho Kódigu Penál balun, liu-liu iha prova dijitais sira”, tenik nia. ida