PNSIK detein tan Diretór Liran TECK

Polísia Nasionál Servisu Investigasaun Kriminal (PNSIK)  kaptura  tan Diretór Liran TECK  ho ninia manager, tanba deskonfia envolve iha kazu fornesimentu internet ilegál.

Iha Segunda (11/01/2021) PNSIK ezekuta mandadu detensaun ba Primeiru Interogaróriu (PI) iha Tribunál Distrital Díli (TDD) ho númeru NUC0166/20 PNSIK, hodi kaptura Diretór Liran TECK ho inisial JB Timor-oan no nia manager NS sidadaun Indonézia iha área kruzamentu Delta.

Alende ne’e PNSIK buska edifísiu Kompañia Liran TECK hodi rekolla ekipamentu Serve ida, ekipamentu VISAT ida no dokumentu balun ne’ebé relasaun ho fornesimentu internet ilegál.

Kompañia Liran TECK, durante ne’e deskonfia fornese internet ho ilegál ba instituisaun Estadu balun.

Hafoin ne’e, PNSIK lori suspeitu na’in rua ne’e ba edifisiu PNSIK Caicoli-Díli, hodi submete ba prosesu investigasaun. avi