JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PNSIK detein Xefe Suku Manleuana no abitante

PNSIK detein Xefe Suku Manleuana no abitante

Polísia Nasionál Servisu Investigasaun Kriminál (PNSIK), iha Tersa, loron 19, fulan ne’e, ezekuta mandadu Tribunál Distritál Díli (TDD) hodi kaptura no detein ona Xefe Suku Manleuana ho inisiál JTS no Xefe Aldeia Lesibutak ho inisiál AG ho ninia abitante na’in lima, tanba deskonfia fa’an rai Estadu.

PNSIK ezekuta mandadu TDD ho númeru NUC 0077/20-PGCC, kaptura Xefe Suku Manleuana ho Xefe Aldeia Lesibutak no abitante na’in lima nu’udár família uma laran ne’ebé mak sai hanesan suspeitu, tanba deskonfia fa’an rai Estadu ida iha área Lesibutak ho nia luan 4500 (rihun haat atus lima) metru kuadradu ba ajénsia Bandido Qualidade.

Alende ne’e, PNSIK rekolla dokumentu rai hanesan sertifikadu ne’ebé mak sira hetan husi Terras Propriedade ba na’in ba rai no dokumentu akordu fa’an no sosa rai entre suspeitu sira ho ajénsia Bandido Qualidade.

PNSIK mós rekolla osan 500 resin ne’ebé rai husi Xefe Aldeia Lesibutak no osan falsu balun no gas lakremujéniu ida.

Liu husi buska refere, PNSIK prende kareta privadu tolu no motorizada tolu husi suspeitu sira, hodi asegura iha Kuartel Jerál PNTL, sai hanesan evidénsia hodi kompleta prosesu investigasaun.

Hafoin ne’e, PNSIK kontinua halo buska iha Xefe Suku nia rezidénsia, hodi rekolla  dokumentu balun relasiona ho rai ne’ebé mak disputa hela.

PNSIK halo kapturasaun ba  Xefe Suku Manleuana ho Xefe Aldeia ne’e ho razaun, tanba asina sasin fa’an no sosa rai ne’ebé mak disputa hela ne’e.

Tuir suspeita EB rai ne’e nia aman ne’ebé mak matebian ona okupa iha tina 1980, iha tempu ne’ebá sira uza hodi halo to’os no natar, hafoin ne’e iha tinan 2012, suspeitu sira fó aluga rai ne’e ba sidadaun estránjeiru no Timor-oan ida ho inisiál JD, hodi hari’i fatin reziklajen iha área Lesibutak to’o tinan 2017 termina kontratu.

Maibé Timor-oan ho inisiál JD ne’ebé abitante sira fó aluga rai ba nia konsidera rai ne’e parténsia fali ba Estadu, maibé suspeitu sira rejeita, tanba sira iha sertifikadu rai  husi Terras Propriedade no sasin ba rai kompletu.

“Rai ne’e ami nian rasik, ami hada’u to’o mota ninin, maibé tan Estadu halo tiha estrada mak haketak tiha rai ne’e. Rai ne’e nia dokumentu kompletu, momentu ha’u nia apa sei moris hetan ona sertifikadu husi Diresaun Terras Propriedade”, esplika suspeita EB ne’e ba GMN, iha Lesibutak-Díli.

Alénde ne’e suspeitu MB hateten, rai ne’e nia ho ninia família fa’an, tanba sira hetan ona sertifikadu husi Diresaun Terras Propriedade, hodi sai na’in ba rai.

“Ami fa’an rai ne’e ba Marito Gambua Bandido Qualidade”, tenik MB.

Nune’e Xefe Suku Manleuana ho inisiál JTS, ho Xefe Aldeia Lesibutak  ho inisiál AG prontu kolabora ho justisa hodi sai sasin ba kazu disputa rai ne’e.

Suspeitu sira dau-dauk ne’e detein iha sela polísia durante oras 72 molok aprezenta ba iha TDD.

Antes ne’e, iha Segunda, loron, 19, fulan ne’e, PNSIK ezekuta mandadu buska no detensaun TDD ho númeru NUC 0077/20-PGCC, hodi  halo kapturasaun ba suspeitu Diretór Jerál Terras Periopredade ho inisiál RM, tanba deskonfia fó sertifikadu ba suspeitu sai na’in ba rai. avi

Lee hotu :   Kazu tentativa omisídiu iha DIT,UNDIL no UNPAZ submete ona ba investigasaun

Add to Comments Here!!!!

error: Content is protected.
Secured By miniOrange
You might also like:
PN: Governu tenke buka solusaun ba estudante Timor-oan iha Atambua

Reprezentante povu iha uma fukun Parlamentu...

TR notifika PN, MF: Ezekusaun OJE 2021 la’o tiha ona

Ministru Finansa (MF), Rui Gomes, hateten,...

Kazu COVID-19 sa’e iha Indonézia, PN husu Governu reforsa seguransa iha fronteira

Haree ba númeru kazu pozitivu no...

Close